"ДӘҮЛӘТ ЙОМГАКЛАУ АТТЕСТТАЦИЯСЕ ИМТИХАНЫ ТАТАРЧА?"

Бердәм дәүләт имтиханнарына керү хокукы өчен, 3 февральдә йомгаклау иншасын язуга Татарстанда 151 укучы теркәлгән, йомгаклау изложениесен язуга – 8.


Бу хакта бүген ТР Хөкүмәте йортында уздырылган брифингта ТР Премьер-министры урынбасары – ТР мәгариф һәм фән министры Энгель Фәттахов хәбәр итте.


Искәртеп үтик: чыгарылыш сыйныф укучылары, БДИга кертелү өчен, йомгаклау иншасын (изложениесен) узган елның 2 декабрендә язды. Нәтиҗәдә, Татарстан мәктәпләрен тәмамлаучыларның 99,8 проценты “зачет” алды һәм нибары 34 укучының эшләре “незачет” дип бәяләнде. Моннан тыш, изложение язган 100 чыгарылышка (физик мөмкинлекләре чикле укучылар һәм инвалид-балалар) БДИга керү хокукы бирелде. “Незачет” булган очракта, иншаны 3 февральдә һәм 6 майда яңадан язу мөмкинлеге каралган.


Энгель Фәттахов брифингта 9нчы сыйныф укучыларының дәүләт йомгаклау аттестациясенә аерым тукталды. Министр билгеләп узганча, быел аларга 4 фәннән мәҗбүри имтихан тапшырырга туры киләчәк. Аның икесе, аерым алганда, рус теле һәм математика, – мәҗбүри, калган икесен укучылар үзләре сайлый.


Энгель Фәттахов шунысына да игътибар юнәлтте: укучылар сайлап алына торган фәннәрдән имтихан буларак ана теле һәм әдәбияты буенча сынау уза ала.


“Рус телендә белем бирә торган мәктәпләрнең татар төркемнәрендә, шулай ук татар, чуваш, мари, удмурт, мордва телләрендә белем бирә торган мәктәпләрдә укучылар, ана теленнән имтихан сайлаган очракта, иҗади биремле изложение язачак. Әлеге категория өчен үз телләрендәге әдәбияттан (родная литература) һәм рус телле төркемнәрдә белем алучылар өчен татар теленнән имтихан контроль-исәпләү материаллары буенча үткәреләчәк”, – диде министр. Ул билгеләп узганча, татар телендә белем алган 9нчы сыйныф укучылары дәүләт йомгаклау аттестациясе имтиханнарын туган (татар) телендә тапшыру мөмкинлегенә ия. 8 фән буенча контроль-исәпләү материалларының күрсәтмә вариантлары татар теленә тәрҗемә ителеп, ТР Мәгариф һәм фән министрлыгының рәсми сайтында урнаштырылган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    755
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    699
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    515
    0
    0

Блоглар