«БӨЕК БОЛГАР» СИНЕ КӨТӘ»

Тарих белән шаярырга ярамый. Кызыксынам, өйрәнәм дисәң, ныклап һәм бөтен көчеңне биреп өйрәнергә кирәк. Китап, белешмә, тарихи карта - болар барысы да бик шәп, әлбәттә. Тик бу ысуллар вакытны күп таләп итә. Чынлыкта, ике гасырлык тарихны мизгел эчендә дә өйрәнеп була икән бит. Ничек дисеңме? "Бөек Болгар" Рәсәйкүләм тарихи фестивале ярдәмендә.

14-16 нчы август көннәрендә Болгар музей-тыюлыгы территориясендә "Бөек Болгар" Рәсәйкүләм тарихи фестивале старт алачак. Әлеге чара Бөек Болгар чорын, ата-бабаларыбызың тормышын, көнкүрешен искә төшерү өчен эшләнә. Фестивальне оештыру өчен җаваплы Алексей Кокурин белдерүенчә, биредә 10-15 гасырда яшәгән кешеләрнең тормышлары, һөнәрчелек һәм сугыш алып бару осталыгы, көрәш алымнары турында белеп булачак. "Биредә алдан куелган, өйрәнелгән шоу булмаячак," - дип белдерде фестиваль җитәкчесе Сергей Иванов. Оештыручылар тарихи көрәш белән профессиональ дәрәҗәдә шөгыльләнүче төркемнәрне бөтен Рәсәй буенча җыйганнар. Алексей Кокурин: “Тамашачылар "100гә 100" уенын да күрә алачаклар,” – дип белдерде. Батыр ирләрнең кылыч күтәреп бер-берсенә каршы көрәшүләрен күрәсең килсә, әлеге фестиваль сине көтә. "Ә берәр кеше яраланса?!" Башыңа шундый уй килдеме? Сине тынычландырырга ашыгам, дустым: коралларның барысы да тупас башлы, кайралмаган булачак. "Кунакларның һәм катнашучыларның куркынычсызлыгы, сәламәтлеге – беренче чиратта," – диләр оештыручылар.

Ә ат турнирына мөнәсәбәтең ничек? Баһадирларның атка атланган килеш корал тотып көрәшкәннәрен күргәнең бармы? Юк икән, димәк, фестиваль сине куандыра алачак.

"Бөек Болгар" җыенында катнашучы һәркемгә күңеленә ятышлы мастер-класс сайлау мөмкинлеге бирелә. Биредә һөнәрчелекнең күп төрләре һәм кул эшләре белән танышырга, ата-бабаларыбызның технологияләре нигезендә буяу ясау, тукыма туку серләренә төшенергә була.

Фестиваль быел икенче тапкыр уздырыла. Оештыручыларның сүзләренә караганда, 2014 нче елда 3 көн эчендә Болгар җирлегенә 14000 кунак килгән. Быел исә чара географик яктан тагын да киңәйде, шуңа күрә 25000гә кадәр кунак булыр дип көтелә. Синең дә шул 25000 кеше исәбендә буласың киләме? Алайса ВКонтакте социаль челтәренә яки җыенның рәсми сайтына http://bulgarfest.ru/ кереп күбрәк мәгълүмат ал. Оештыручылар фестивальгә килергә теләгән һәркемне зур түземсезлек белән көтеп калалар!

Я, ничек, барабызмы? Барабыз!!!

[gallery size="medium" ids="2275,2276,2277,2278,2279,2280,2281,2282,2283"]

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2657
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    822
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    704
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019