ХЫЯЛ ЧЫНГА АШКАН КӨН

Уңыш һәркемгә дә тәтеми. Ә миңа менә уңыш елмайды. Күптәнге хыялым чынга ашты: «Ялкын» журналы оештырган «Лидерлар мәктәбе» проектына эләктем һәм Казанга Г.Кариев исемендәге яшь тамашачы театрына чакыру алдым.

Казан безне якты кояшы, җылы нурлары белән каршы алды, күрәсең, ул да минем өчен шатлана. Театрнын ишек төбендә безне Айгөл апабыз каршы алды. (Мин аны беренче тапкыр күрүем. Кечкенә буйлы, матур, зур күзле, бик мөлаем, ачык йөзле булып чыкты).

Театрда безне директор Гүзәл Сәгыйтова, танылган режиссер Ренат Әюпов һәм Г.Кариев исемендәге яшь тамашачылар театрның актрисасы Алсу Шакирова белән очрашу көтә иде.

Иң беренче эш итеп, безгә театр бинасы буенча экскурсия оештырдылар. Аннан соң театр хуҗалары белән аралаштык. Үзебезне кызыксындырган сорауларга жаваплар алдык, театрның тарихы, бүгенгесе, әлеккеге тормышы һәм, әлбәттә инде, киләчәге турында сөйләштек. Актриса Алсу Шакировага үземне кызыксындырган соравымны бирдем һәм бик кызыклы жавап алдым. Театр бинасы буенча экскурсия вакытында миңа иң ошаганы грим ясау булмәсе булды. Артистлар һәммәсе бик матур, әмма сәхнәдән алар бигрәк тә матур күренергә тиешләр икән. Шуңа күрә алар бу сихри бүлмәгә кереп үз персонажларын реальләштерәләр. Шуның өчен кирәк икән грим бүлмәсе.

Минемчә, мондый очрашулар яшүсмерләргә үз юлларын табарга булыша, киләчәккә бик яхшы юнәлеш бирә, ә кемдер бәлки бөтенләй театр юлын сайлар дип уйлыйм.

Бу җылы очрашу минем күңелдә мәңгегә сакланыр. Киләчәктә араларны өзмичә, тагын очрашырбыз дип сүз бирештек. Әлегә исә, саубул, Казаным, очрашканчыга кадәр, «Ялкын»ым!!!

Эльза Ишмиева, Азнакай

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2509
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1984
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    644
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019