ДУМАДА БЕЗНЕҢ ӨЧЕН КЕМ СӨЙЛӘЯЧӘК

Татарстаннан 16 кеше Россия Дәүләт Думасына китә. Республикада яшәүче кешеләр кичә узган сайлауда үзләренең мәнфәгатьләрен кайгыртуны шуларга тапшырды.

Алар арасында менә кемнәр бар:

- Фатыйх Сибгатуллин – 60 процент тавыш

- Илдар Гыйлметдинов – 55 процент тавыш

- Иршат Минкин – 62 процент тавыш

- Әлфия Когогина – 76 процент тавыш

- Айрат Хәйруллин – 83,9 процент тавыш

Татарстан Дәүләт Советы рәисе Фәрит Мөхәммәтшин да аларга зур өметләр баглый икән.
“Бу – зур армия. Алар безнең кешеләрне яклаячак. Бу егетләр-кызларның күбесе депутат булган иде инде. Татарстанны лаеклы дәрәҗәдә күрсәтерләр дип ышанам. Алар Думада безнең тавышны ишеттерерләр,” – дип әйтте ул бүген журналистлар белән очрашканда.
Фәрит Мөхәммәтшин сайлауны игътибар белән күзәтеп, шундый нәтиҗә ясаган: Татарстанда кешеләрнең сайлау культурасы югары. “Бездә тавыш бирүчеләрнең күп булуы ул Россия Президенты Владимир Путин курсына ышаныч белдерүгә дә бәйле, Татарстан Президенты Рөстәм Миңнехановның шәхси абруена да”, - дип саный ул.
Ә үзе сайлаучыларның күңелен яулау өчен менә мондый алым куллана икән.
“Сайлаучылар белән йөзгә-йөз күрешеп аралашырга кирәк. Иң четрекле сорауларга җавап бирергә. Фикерләреңне уртаклашырга. Шул очракта сайлауга килүчеләр дә күп була”, - дип сөйләде ул.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 март 2021 - 10:43
    ИКӘҮ ЭЧМӘГӘН ЧӘЙЛӘР – Әй, Кар кызы! Кая, бир сумкаңны, озатып куйыйм үзеңне! – Артыннан куып җиткән таныш түгел егетнең сүзләреннән Сәмирә башта сискәнеп китте. Ләкин алай да сер бирмәгәндәй кыланды:  – Миңа ерак түгел, монда гына... Мәшәкатьләнмә, Кыш бабай, – диде. 
    1699
    0
    6
  • 21 март 2021 - 10:13
    «МИН – ТЕЛЕФОН КОЛЫ...» «Мин телефонга бәйле. Бу турыда моңа кадәр үк әти-әнием, дусларым әйтә иде инде. Аларны тыңламый, ишетми идем. Хәзер моны үзем дә аңлый башладым. Чыннан да кереп китәм дә, чыга алмыйм. Көнем дә, төнем дә шул телефонда уза. Бу бәйлелектән ничек тә булса арынып буламы?»
    665
    0
    0
  • 17 март 2021 - 13:39
    СЫРЛЫ ШАМПИНЬОННАР РЕЦЕПТЫ Бу гади һәм бик туклыклы ризык. Өстәлдән иң беренче булып аны сыпырталар. Нәрсәләр кирәк була?
    534
    0
    0

Блоглар