ТЕСТ: СИҢА НИНДИ СУПЕРКӨЧ ТУРЫ КИЛӘ?

Күз алдыңа китер, син – супергерой! Тик сайларга кирәк, дөньяны коткарыр өчен сиңа нинди суперкөч туры килә икән? Моның өчен, без сиңа тест тәкъдим итәбез, җаваплары азакта.

1. Синең өчен иң мөһиме:

• а) Башкаларга ярдәм итә алу мөмкинлеге
• б) Ирек һәм бәйсезлек
• в) Белем һәм акыл
• г) Контроль, тәртип
• д) Иҗат

2. Кайсы стихия сиңа якынрак?

• а) Су
• б) Һава
• в) Җир
• г) Ут
• д) Барысы бергә

3. Берәр проблема килеп чыкса, син нишлисең?

• а) Башкаларның хисләрен аңларга, компромис табарга тырышам
• б) Чишелешен тиз табам
• в) Уйлыйм, мәгълүмат җыям, анализлыйм
• г) Һәр адымымны планлаштырам һәм шуның буенча гына эш итәм
• д) Стандарт булмаган, оригиналь чишелешләр табам

4. Кайсы хайван сиңа күбрәк ошый?

• а) Дельфин
• б) Бөркет
• в) Аю
• г) Бүре
• д) Хамелеон

5. Холкыңның иң көчле ягы:

• а) Кешене аңлый белү
• б) Кыюлык
• в) Интеллект
• г) Җаваплылык
• д) Креативлык

6. Супергеройда сиңа иң күбе ни ошый?

• а) Кешеләргә ярдәм итү
• б) Экстремаль очракларда тиз эш итү
• в) Күп белү һәм дөньяны аңлау
• г) Контроль һәм тәртип тота белү
• д) Оригинальлек һәм стандарт булмау

7. Кайсы девиз сиңа туры килә?

• а) Үзең саклый алмаганнарга ярдәм итәргә кирәк.
• б) Уйлап торма, элә!
• в) Белемдә көч!
• г) План булырга тиеш.
• д) Супергерой булсаң да, гел үзең булып кал.

Нәтиҗәләр:

А: Телепатия!

Син – эмпат! Синең суперкөчең – башка кешеләрнең фикерләрен һәм хис-кичерешләрен тою. Син аларны сүзсез аңлый аласың, аларның гамәлләрен алдан күрә һәм теләсә кем белән уртак тел таба аласың. Син – конфликтларны хәл итәргә һәм кешеләргә бер-берсен аңларга ярдәм итәргә сәләтле чын тынычлык урнаштыручы.

Б: Супертизлек!

Син энерджайзер! Синең суперкөчең – тизлек! Син һәрвакыт башкаларга караганда күбрәк эшләргә өлгерәсең, һәм беркайчан да вакытны бушка уздырмыйсың. Син – экстремаль ситуацияләрдә тиз арада карарлар кабул итәргә һәм эш итәргә сәләтле чын лидер.

В: Телекинез!

Син – интеллектуал! Синең суперкөчең – телекинез! Син предмет белән фикер көче белән идарә итә, катлаулы бурычларны хәл итә һәм әйберләр арасында яшерен элемтәләрне күрә аласың. Син – үз белемнәрең һәм интеллектың белән дөньяны үзгәртергә сәләтле чын даһи.

Г: Вакытны контрольләү!

Син – стратег! Синең суперкөчең – вакыт өстеннән контроль! Син үз гамәлләреңне планлаштыру һәм вәзгыятьне контрольдә тоту өчен вакытны акрынайта, тизләтә яки хәтта туктатырга да мөмкинсең.

Д: Үзгәрә алу!

Син – креатив! Синең суперкөчең – формаңны үзгәртү! Син теләсә нинди затка әверелә, теләсә нинди шартларга җайлаша һәм проблемаларны стандарт булмаган ысуллар белән хәл итә аласың.

Сурәт: «freepic.com»