ТАТАРСТАН «ЗУР ЭТНОГРАФИК ДИКТАНТ»КА ӘЗЕРЛӘНӘ

3 ноябрьдә – Халыклар бердәмлеге көне алдыннан Россиядә генә түгел, чит илләрдә дә «Зур этнографик диктант» узачак. Анда Россиянең 85 төбәге, БДБ илләре дә - Әзербайҗан, Әрмәнстан, Белоруссия, Казахстан, Кыргызстан, Молдова, Таҗикстан, Төркмәнстан, Үзбәкстан, Абхазия, Көньяк Осетия - катнашачак.

Быел диктант халыкара статуска ия булган. Ә былтыр анда Төркия һәм Швейцария илләреннән генә катнашканнар. Диктантта һәркем катнаша ала. Татарстанлыларга исә чара уздырылачак мәйданчыкларга гына мөрәҗәгать итәргә кирәк. Акция нәтиҗәләре Россия Конституциясе көненә – 12 декабрьгә билгеле була.

Чит илләрдә һәм Россиядә әлеге чара 1500 мәйданчыкта уза. Иң күп мәйданчыклар Удмуртиядә (210) һәм Краснодарск краенда (137) ачылачак. Диктант халыкның этнографик грамоталылыгын, Россиядә яши торган халыклар турында никадәр хәбәрдар булуын тикшерә.

Биремнәрнең гомуми саны – 30. Катнашучылар тест рәвешендәге сорауларга җавап бирәчәк. Аларны билгеле бер вакыт эчендә башкарырга кирәк. Диктантта иң күбе 100 балл җыеп була. Төбәктәге мәйданчыкларга бара алмаучылар үзләрен  www.miretno.ru сайтында онлайн рәвештә сыный ала. Диктант нәтиҗәләре буенча этнография фәнен укыту планына үзгәрешләр кертеләчәк.

Татарстанда әлеге диктант узачак мәйданчыклар:


1.​ Әгерҗе – район Үзәк китапханәсе

2.​ Азнакай – Халыклар дуслыгы йорты

3.​ Аксубай – район Мәдәният йорты

4.​ Әлмәт – Әлмәт муниципаль хезмәт дәүләт институты

5.​ Арча – район Мәдәният йорты

6.​ Баулы – Покровский-Урустамак авылының урта мәктәбе

7.​ Бөгелмә – Һади Атласи исемендәге 14нче татар гимназиясе

8.​ Алабуга – район Үзәк китапханәсе

9.​ Яшел Үзән – 3нче гимназия

10.​  Минзәлә – 3нче урта мәктәп

11.​ Кукмара – Чыңгыз Әйтмәтов исемендәге 1нче гимназия

12.​ Чирмешән – район Балалар иҗат мәктәбе

13.​  Балтач – район Үзәк китапханәсе

14.​ Чүпрәле – район Мәдәният йорты

15.​  Түбән Кама – Халыклар дуслыгы йорты

16.​ Менделеевск – Халыклар дуслыгы йорты

17.​ Тәтеш – П.С. Ханжин исемендәге 1нче урта мәктәп

18.​ Нурлат – Халыклар дуслыгы йорты

19.​ Лениногорск – район Мәгариф идарәсе

20.​  Яр Чаллы – Мулланур Вахитов исемендәге 2нче гимназия

21.​ Казан – Халыклар дуслыгы йорты, Павлюхин урамы, 57

22.​ КФУ, Сул Як Болак урамы, 44




Белешмә:

2016 елда «Зур этнографик диктант»ны 90 мең кеше язган. Иң яшь катнашучы Ульян өлкәсеннән булган (12 яшь), ә иң олы катнашучы – Мордовиядән (80 яшь). Диктант өчен уртача балл – 54. Ә баксаң, 100 балл җыеп булган икән. Ил буенча диктантның уртача баллы 54тән артмаганда, Татарстан иң югары нәтиҗәләр күрсәткән. Бездә уртача балл 81,3 балл җыелган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2492
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1974
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    617
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019