ТАССР ТУРЫНДА ЯҢА КИТАПЛАР ЧЫККАН. НИНДИ?

Татарстан Республикасы Фәннәр академиясенең Татар энциклопедиясе һәм төбәкне өйрәнү институты яңа басмалар чыгарган. Алар махсус ТАССРның 100-еллыгына атап әзерләнгән. Шул уңайдан уздырылган матбугат конференциясендә без дә булдык.

Китапларны чыгаручылар әйтүенчә, иң авыры текст җыю түгел, ә иллюстрацияләрне туплау булган:

- Бигрәк тә XX гасыр башындагы дәүләт эшлеклеләренең фотосурәтләрен табу кыен булды, - ди «Заман» нәшрияты директоры Марат Гарифҗанов.

Нәтиҗәдә, меңнән артык сурәт тупланган. Алар ТРның Милли музее, ТР Дәүләт архивы һәм шәхси архивлардан җыеп алына:

- Арасында ачлык елларында төшерелгән уникаль фотолар да бар, — дип сөйләде Татар энциклопедиясе һәм төбәкне өйрәнү институтының энциклопедистика үзәге мөдире Рафаил Шәйдуллин.

Энциклопедия институты өч басма тәкъдим итә:

1) «Татарстану - 100 лет: иллюстрированные энциклопедические очерки». – Казань, 2019. – 600 с.

2) «Центральные органы государственной власти и управления Татарстана (1920–2020 гг.): научно-справочное издание». – 400 с.

3) «Мәңге яшә, газиз Ватаныбыз»: Р.В. Шәйдуллин, Л.М. Айнутдинова, М.З. Хәбибуллин, Б.Л. Хәмидуллин. – Казан: «Заман», 2020. – 408 с.

Болардан тыш, дүртенче басма да әзерләнә икән. Бу турыда Татар энциклопедиясе һәм төбәкне өйрәнү институты директоры Искәндәр Гыйләҗев:

- Ул «100 сәяси эшлекле» дип аталачак. Анда Татарстан тарихында мөһим роль уйнаган 100 шәхес турында фәнни-биографик очерклар урын алыр, дип көтелә. Кемнәрне сайларга икән дип озак бәхәсләштек, - ди.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    876
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    627
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    528
    0
    0

Блоглар