СТИПЕНДИЯ: АНЫ НИЧЕК АРТТЫРЫРГА?

Кичә генә яңа уку елына аяк баскан идек. Бүген инде – ноябрь. Беренче курс студентлары тәүге стипендияләрен дә алгандыр. Стипендяне бюджетта укучыларга гына түлиләрме? Аның күләмен ничек арттырырга? Беренчеләрнең барысын да борчыган әлеге һәм башка сорауларга җавап бирәбез.

Стипендия кемнәргә түләнә?

Белүебезчә, бюджет урыннарында укучылар стипендия ала. Түләп укучылар да аны алырга мөмкин! Әгәр моның өчен сәбәпләре булса, билгеле. Хәзер барысын да бәйнә-бәйнә аңлатабыз.

Академик стипендия

Аны бюджетта укый торган бакалавриат, специалитет һәм магистратура студентлары ала. Бүгенге көндә аның минималь күләме 1707 сумны тәшкил итә. Беренче курсның беренче семестрында ул һәркемгә түләнә, алга таба инде студентның “койрыклары” булмаска тиеш. Шулай булган очракта стипендия сиңа кулъяулыгын болгап: “Пока-пока!” - дип әйтми. Шулай ук “3”ле билгесе алганнарга да ул билгеләнми. Чит ил студентларына бу кагыйдә кагылмый: алар нинди билгеләргә укысалар да, уку дәвамында стипендия алып укый.

Ни кызганыч, коммерциядә, ягъни түләп укучыларга бу стипендия тәтеми.

Арттырылган (повышенная) стипендия

Мондый стипендия һәркемгә дә бирелми. Аның өчен түбәндәге шартлар үтәлергә тиеш:

– уку алдынгысы булу, академик стипендия алу;

– фәнни, иҗтимагый, спорт, мәдәни өлкәләрдә актив булу;

– бу уңышларны раслый торган рәсми кәгазьләргә ия булу.

 

Арттырылган стипендиянең ни рәвешле тапшырылуы һәр университетта төрлечә хәл ителә. Кайчак аны югары уку йорты үзе билгели, кайчак моның өчен студентка портфолио тутырырга кирәк була. Стипендиянең күләме шулай ук аерыла.

Социаль стипендия

Бу стипендияне алу хокукына түбәндәге студентлар ия:

– ятим балалар;

– мөмкинлекләре чикле кешеләр;

– аз керемле гаиләләрдән булучылар һ.б.

Социаль стипендияне алу өчен гариза тутырырга һәм теге яки бу социаль төркемгә керүеңне дәлилләгән документ тапшырырга кирәк. Аның күләме төрле җирдә төрлечә, тик ул 3177 сумнан да ким булмаска тиеш.

Матди ярдәм

Ул кыен хәлдә калган студентларга бирелә. Аларга гаиләләре матди кыенлык кичергәннәр, әтисе яки әнисе вафат булучылар, дәвалану өчен акча кирәк булучылар керә. Студент кешенең баласы туса, шулай ук матди ярдәм күрсәтелә.

Президент стипендиясе

Әлеге стипендияне алу өчен яхшы укудан тыш, әле фәнни эшчәнлек белән дә шөгыльләнү мөһим. Студентны әлеге бәйгедә университет тәкъдим иткәргә тиеш. Стипендиягә иң акыллы, иң актив, иң тырыш студентлар лаек була. Җиңүче студентлар сентябрьдән алып августка кадәр шактый гына зур күләмдәге стпендия ала.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    1300
    0
    8
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    1006
    0
    3
  • 16 ноябрь 2020 - 10:31
    КҮЗ КАРАШЫ Һы. Алтыдагы – алтмышкадыр да соң, тик миңа бит инде җитмеш кенә дә түгел. Хәзер бүгенге тәртибемә, дөресрәге, тәртипсезлегемә ниндирәк мәкаль туры килер иде икән? Сигездәге – сиксәнгәдер инде алай булгач.
    556
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019