ОГЭ-2021: НИНДИ ҮЗГӘРЕШЛӘР БАР?

2021 елда төп дәүләт имтиханы (ТДИ), ягъни 9 сыйныфлар тапшыра торган ОГЭда үзгәрешләр  көтелә. Нинди?

Педагогик үлчәмнәр федераль институты (Федеральный институт педагогических измерений) ТДИның 2021 ел өчен демоверсияләренә күп кенә үзгәрешләр керткән. Әлеге үзгәрешләр тарих, җәмгыять белеме, рус әдәбияты һәм инглиз теленнән имтиханнарга карый.

Бу фәннәрдән имтихан биремнәрендә нинди үзгәрешләр бар?

Тарих:

1. Биремнәр саны 21дән 24кә җиткән.

2. Кыска җаваплы өч бирем өстәлгән. Алар - гомуми тарих буенча сораулар.

Җәмгыять белеме:

1. Кыска җаваплы биремнәрнең саны кимегән.

2. Визуаль мәгълүматны анализлауга юнәлгән биремнәр өстәлгән.

Рус әдәбияты:

1. Биремнәр яңача номерланган.

2. База дәрәҗәсендәге яңа бирем өстәлгән: ул - әсәрнең берәр өлешен анализлау.

3. Биремнәрне сайлау принципы үзгәргән: сайлап алу өчен бирем блоклары вариантлары түгел, ә конкрет биремнәр тәкъдим ителә.

Инглиз теле:

1. Аудиобиремнәр үзгәртелгән: анда хәзер кыска җаваплы 11 бирем булачак.

2. Язма сөйләмне бәяләүгә юнәлгән биремнәр үзгәртелгән: хәзер Интернеттагы дустыңа электрон хат язарга кирәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    723
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    625
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    473
    0
    0

Блоглар