"КАРУСЕЛЬ" ТЕЛЕКАНАЛЫ ТАТАРСТАН САБЫЙЛАРЫН СӨЕНДЕРДЕ!

«Спокойной ночи,малыши!» тапшыруындагы Хрюша һәм Степашканы белмәүчеләр гомумән юктыр. Ә менә фиксик, мимимишка, Компот һәм Карамельканың кем булуын белү өчен ким дигәндә 2-3 яшьлек бала әнисе булу кирәк.

Хәер, бу ялларда аларның кем булуына шактый күп татарстанлылар төшенде кебек. Чөнки “Карусель” балалар телеканалы Казанга килеп, искиткеч бәйрәм уздырып китте. Әлеге чара республика көнен бәйрәм итү белән бер көнгә туры килде.

Рөстәм Миңнеханов оештырган бәйрәм

“Төп геройлар” дип атала торган милли премияне “Карусель” телеканалы ел сан оештыра. Быел исә ул беренче мәртәбә Мәскәүдән читтә – Татарстан башкаласы Казанда узды. “Карусель” коллективын исә бирегә республикабыз Президенты Рөстәм Миңнеханов шәхсән үзе чакырган икән.

– Әлеге чакыру безнең өчен һичшиксез бик зур кыйммәткә ия. Россия милли премиясенең Мәскәүдә генә түгел, Татарстан Президенты ярдәме белән башка төбәкләрдә дә узуы тарихи күренеш, - дип ассызыклады “Карусель” телеканалы баш редакторы Вера Оболонкина.

Гала-концертны ачу тантанасында республика Президенты Рөстәм Миңнеханов та катнашты.

– Шәһәр көне, республика көнендә балалар өчен шундый зур бәйрәм! Бу чараны Казанда үткәрергә риза булганнары өчен оештыручыларга зур рәхмәт, - дип белдерде Президент.

Шулай итеп, бу көнне Татарстан балалары өчен үзләре яратып караган мультфильм геройлары белән күзгә-күз очрашу, алар белән бергәләшеп күңел ачу, фотога төшү, сөйләшеп тору насыйп булды. Иртәнге якта “Карусель” телеканалы Горький һәм “Ак чәчәкләр” паркында, Кремльдә балалар өчен зур бәйрәм оештырды.

– Безнең төп максат – әлеге бәйрәм чараларына Татарстан балаларын җәлеп итү, аларның күңелен күрү иде. Милли колорит һәм җырларга да зур игътибар бирдек, - дип белдерде Вера Оболонкина.

Балалар нәрсә ди?

Кичке якта исә Казан циркы бинасында әлеге милли премия җиңүчеләрен бүләкләү тантанасы узды. Нәни тамашачыларның шатлыгы исә эчләренә сыймады. Чөнки аларга бик яхшы таныш геройлар – Каляка-Маляка, Хрюша һәм Степашка, Маша һәм Аю аларны берсеннән-берсе шәбрәк номерлар белән шаккаттырды. Ахырда балаларга үзләренең яраткан геройлары белән фотога төшү мөмкинлеге тудырылды.

– Искиткеч чара, искиткеч бәйрәм. Балалар өчен бик күп чараларда булган бар. Шулар арасыннан балама ошаган иң шәп чара бүгенгесе булды, - дип хис-кичерешләре белән уртаклашты Казаннан Лилия Сафина.

Андрей Кузнецов исә Каляка-Маляка белән фотога төшүенә сөенеп туя алмый.

– Ул бит минем иң яраткан алып баручы. Аның ярдәмендә матур сурәтләр төшерергә өйрәндем. Иртүк йокыдан торуга тизрәк телевизорны кабызам. Чөнки аның тапшыруы башлана, - дип уртаклашты яшь рәссам.

6 яшьлек Алинә Исламова исә фиксикларга бик сөенгән. Кызганыч, алар  фотога төшү өчен коридорга чыкмаган. Шуңа күрә кәефе бераз төшкән.

– Миңа иң ошаганы алсу шарлар булды. Алар кинәт кенә минем өскә очып төштеләр. Тик фиксиклар белән фотога төшеп булмады. Кызганыч... - диде ул авыр сулап.

Балалар сөенгәч, әти-әниләргә дә рәхәт, билгеле. “Карусель” телеканалы җитәкчеләренә Казанда узган чара шулай ук бик ошаган. Шуңа күрә алга таба бу милли премияне тапшыру тантанасын Мәскәүдә түгел, ә Россиянең төрле төбәкләрендә уздыра башларга ниятлиләр.

 

 

 

 

 

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4757
    2
    92
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2805
    1
    78
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2407
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1840
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1545
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    102
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019