ДӨРЕС ТУКЛАН ҺӘМ СӘЛАМӘТ БУЛ!

Сәлам, дустым! Әйе-әйе, нәкъ сиңа әйтәм. Хәлләрең ничек? Чынлап сорыйм. Авырмыйсыңмы? Вакытында ашыйсыңмы? Ни өчен мондый сораулар бирә бу дип аптырамагыз. Сәламәтлегебез турында сөйләшәсе килә синең белән. Яшүсмерләрнең сау-сәламәт булып үсүендә (әйе, без әле үсә торган организм) дөрес туклану зур роль уйный. Бөтен кеше белергә һәм башкарырга тиешле берничә кагыйдә белән таныштырыйм әле.

Яшүсмер көнгә 5 тапкыр ашарга тиеш:

– иртәнге аш;

– икенче иртәнге аш;

– төшке аш;

– тамак ялгап алу (полдник);

– кичке аш.

Иртәнге аш – организмны тукландыра торган иң төп өлеш. Юкка гына «иртәнге ашны үзең аша, төшке ашны иптәшең белән бүлеш, ә кичкесен дошманыңа бир дип» дип әйтмиләр бит.

Иртәнге ашны түбәндәгечә әзерли аласың: туралган алма кисәкләре яки җиләк-җимеш салынган солы боткасы (сөттә яки суда пешерелгән була ала) һәм чәй; сөттә пешерелгән карабодай боткасы һәм каһвә (әти-әниегез рөхсәт итсә); йомырка тәбәсе, икмәк, сыр һәм чәй; сырниклар һәм какао; сөттә пешерелгән дөге боткасы һәм чәй.

Икенче иртәнге ашны үзең белән алып бара аласың. Букчаңда җиләк-җимеш яки чикләвек йөртү – яхшы гадәт.

Төшке ашны без, гадәттә, мәктәптә ашыйбыз. Ул 1) аш; 2) ит яки балык белән гарнирдан торырга тиеш.

Полдник өчен ризыкны шулай ук үзең белән йөртергә була: йогурт, эремчек, файдалы бутербродлар (икмәк, май, яшелчә, ит кисәге), пешкән йомырка, эремчек яки җиләк-җимеш запеканкасы.

Кичке аш йоклар алдыннан, ким дигәндә, 4 сәгать алдан ашалырга тиеш. Әти-әниегез белән килешеп, мондыйрак ризыклар әзерләргә була:

– пешкән ит (парда әзерләнгән булса, бигрәк тә яхшы);

– йомырка;

– балык;

– яшелчәләр (парда әзерләргә мөмкин);

– ботка;

– йоклар алдыннан бер стакан кефир яисә сөт эчәргә мөмкин.

Саулык – зур байлык, диелә татар халык мәкалендә. Димәк, безнең саулыгыбыз – бәхет чыганагы. Һәм ул безнең үз кулыбызда.

Алинә Нямаева

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    1046
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    557
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    435
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019