ДИСТАНЦИОН УКУ: СТУДЕНТЛАР ГЫНА ТҮГЕЛ, УКУЧЫЛАР ДА КАЧЫП КОТЫЛА АЛМЫЙ!

Татарстанда, башка төбәкләрдән аермалы буларак, каникулга 19 марттан ук чыксалар да, дәресләрне әле беркем дә бетермәгән. Ник дигәндә, 19-21 март аралыгында республикада дәресләр дистанцион формада уза. Аларда алдан үтелгән материалны кабатлаячаклар, күнекмә дәресләр уздырачаклар. Язгы каникуллар исә 31нче мартка кадәр дәвам итәчәк.

Татарстанның Мәгариф һәм фән министрлыгы каникулларны 23 марттан 1нче апрельгә кадәр оештырырга тәкъдим итте. “Бүгенге вәзгыятькә караганда, республиканың муниципаль районнары моңа төрлечә карый. Ләкин шунысы төгәл билгеле: 19 марттан мәктәпләр йә каникуллар алды режимында эшли (бу вакытта баланы әти-әниләр гаризасы буенча алып китәләр), йә дистанцион укуга күчәләр, йә муниципаль районнар, вакытны күчереп, мәктәпләрдә бүгеннән каникул башлана, – дип ассызыклый Татарстан мәгариф һәм фән министры Рафис Борһанов.

Каникул вакытында укучылар ял гына итеп ятмаячак, ә укыячак та. Моның өчен вузлар белән дә сөйләшүләр узган. Бүген дистанцион уку формасы рөхсәт ителгән. Бу сәгатьләр үткәрелгән дәрес кебек саналачак.

Хәзерге вакытта Татарстанның 500 мәктәбендә “Ачык мәктәп” платформасы урнаштырылган. Ул дистанцион укуны алып барырга ярдәм итә. Ялларга кадәр аны башка мәктәпләрдә дә урнаштырырга җыеналар.

Шунысы да бар: 19-21 март аралыгында балаларын өйдә калдыру мөмкинлеге булмаган гаиләләр өчен мәктәпләр гадәти режимда эшләячәк. Алга таба исә вәзгыять нинди булуына карап, уку дистанцион режимда дәвам ителергә мөмкин.

Коронавирус белән бәйле вәзгыять аркасында Татарстан Президенты Рөстәм Миңнеханов мәктәпләрдә дистанцион уку программасы мәсьәләсен хәл итәргә кушты. Бүген ул, Казанның 131нче лицеенда булып, республикада дистанцион укуга күчү әзерлеген тикшерде.

Президент геометрия һәм инглиз теле дәресләрендә булды. Аның фикеренчә, белем алуның яңа форматына күчү уку сыйфатына киртә булырга тиеш түгел. Шулай итеп, 1нче апрельгә кадәр Мәгариф һәм фән министрлыгы әлеге системаны эшләп бетерергә тиеш.

Бүген Татарстан мәктәпләрендә “Яндекс” һәм “Сбербанк” онлайн-платформаларында укыту системасына тикшерә башладылар. Мондый укыту форматы 100гә якын бала өчен онлайн-дәресләр уздыру мөмкинлеген бирәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    4585
    0
    87
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3667
    0
    33
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3547
    0
    36

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019