БДИга ӘЗЕРЛЕК ТУЙДЫРСА, НИШЛӘРГӘ?

Чыгарылыш сыйныф укучыларын алда имтиханнар көтә. Бу - бик борчый һәм арыта торган процесс. Быел укучыларга бигрәк тә кыенга туры килде: имтихан тапшыру вакыты әллә ничә мәртәбә күчерелде, киеренкелек артты... Имтихан, аңа әзерләнү һәм аның турында уйлау тәмам туйдырса, нәрсә эшләргә? Бездән берничә киңәш. Алар арсыннан үзегезгә туры килгәнен сайлап алырга да була.

1. Ял көне игълан итәбез. Әлеге көнне үзеңә багышла. Син бик озак өйрәндең, әзерләндең. Хәзер инде ял итеп алсаң да начар булмас. Әлеге көнне дуслар белән күрешергә, кино карарга, һава сулап, йөреп кайтырга була.

2. БДИны бирә алмау - ул әле тормыш бетте, дигән сүз түгел. Аны бит кабаттан бирергә була. Әйе, ул имтихан җиңел түгел. Аны тормышның бер кечкенә генә сынавы итеп кабул итәргә мөмкин, әмма аннан да күбрәк түгел.

3. Эмоцияләрне чыгарабыз. Бик каты елыйсы киләме? Утыр да, елап ал. Начар хисләр, эмоцияләрең чыгар. Аннан кире әзерлеккә дә әйләнеп кайтырга була. Ашыйсың киләме? Берәр тәмле әйбер ашап ал. Аннан тыныч күңел белән эшкә тотынырга мөмкин.

4. Эш арасында ял итеп алырга онытмыйбыз. Күп материал үзләштергәндә баш мие бик нык арый. Шуңа күрә аңа 5-10 минут ял биреп алырга кирәк. Бу вакыт аралыгында күнегүләр эшләп алырга, музыка тыңларга, биеп алырга, йә булмаса тәрәзәдән урамга карар торырга мөмкин.

5. Визуальләштерәбез. Имтиханга керүне, биремнәрне кулга алган моментны, андагы сорауларга җавапны белүеңне күз алдына китер. Тыныч, яхшы атмосферага көйләнергә тырыш. Һәм нәкъ шулай булыр да!

Уңышлар сиңа!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2513
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1987
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    648
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019