БАШ МИЕНӘ 9 БҮЛӘК ЯСЫЙБЫЗ

Бүләкне кем яратмый? Хәтта баш мие дә бүләкләрне бик ярата. Икән. Ул гына да түгел: баш мие аларга мохтаҗ. Әйдәгез, бердәнбер баш миебезне сөендереп алыйк. Бетмәс эшләр, стресс, авырлыклар... Болар барысы да безнең газиз башкаебызга тискәре йогынты ясый. Шушы шартларда да яхшы эшләсен өчен аңа бүләкләр ясарга кирәк. Моны ничек эшләргә?

1. Көн уртасында йоклап алабыз.

Көн уртасында йокап алуның файдалы булуы турында күпләрнең ишеткәне бардыр. Бу рәвешле ял итеп алу чыннан да тәнгә дә, җанга да көч бирә. Баш мие эшчәнлеге яхшыра, кәеф күтәрелә. Нибары 10-15 минут йокы сезнең гадәти көннәрегезгә зур үзгәрешләр алып киләчәк. Чөнки йоклап алганнан соң сез эшләргә, идеяләргә яңа көч белән тотыначаксыз.

2. Йокларга ятар алдыннан иҗат белән шөгыльләнәбез.

Бик авыр көн булдымы? Йокларга ятар алдыннан бераз рәсем ясап алыгыз. Әлеге ысул баш миен дә ял иттерер, тынычланырга да ярдәм итәр.

3. Берничә эшкә берьюлы алынмыйбыз.

Әгәр эшләгән эшебезнең нәтиҗәле булуын теләсәк, берничә эшкә берьюлы алынмыйбыз. Икенчесенә беренчесе беткәч тотынырга да була бит. Бары шул вакытта гына безнең баш мие эффектив итеп эшләргә сәләтле. Бу сезгә авыр бирелсә, эшлисе эшләр исемлеге төзегез. Нәтиҗәдә, гадәттәгедән күбрәк нәрсәгә өлгерәчәксез һәм азрак арыячаксыз.

4. Актив яшәү рәвеше алып барабыз.

Безнең баш мие кардиокүнегүләрне үлеп ярата. Йөрү, йөгерү, йөзү артык авырлыктан котылырга ярдәм итүдән тыш, әле баш миен чыныктырырга да булышачак. Көн саен 15-30 минут кардиокүнегүләр ясау (җәя йөрү дә керә) арган баш миенә хәл кертер.

5. Каләм белән кәгазьдән баш тартмыйбыз.

Компьютер, смартфон һәм башка гаджетлар безнең тормышыбздан кәгазь белән каләмне кысрыклап чыгарырга маташа. Тик без моны булдырмаска тиеш. Тикшеренүләр күрсәткәнчә, кәгазь блокнот һәм каләм куллану (язу) баш мие эшчәнлеген яхшырта.

6. Витаминнар турында онытмыйбыз.

Баш миенә көн дә яңа бер эш йөкләү белән беррәттән, аңа витаминнар бирү турында да онытмасак иде. Рационыгызга төзәтәтмәләр кертегез. Анда В төркеме витаминнары, С, D, E, P витаминнары җитәрлек күләмдә булсын. Алар баш мие эшчәнлеген, хәтерне яхшыртырга булышачак.

7. Яңа тел өйрәнәбез.

Яңа тел өйрәнү - баш мие өчен менә дигән күнегү. Чөнки ул аңа бөтен яшерен сәләт һәм мөмкинлекләрен ачарга ярдәм итә.

8. Медитация белән шөгыльләнеп алабыз.

Медитация – физик яктан да, рухи яктан да ял итеп алу менә дигән ысул. Ул тынычландыра, киеренкелекне бетерә һәм баш миенең барлык өлешләренә дә уңай йогынты ясый.

9. Оптимист булабыз.

Бары яхшы нәрсәләр турында гына уйлау да баш мие эшчәнлеген яхшырта. Яңа ачыш, идеяләргә китерә.

Уйлап карагыз: бу исемлектәге кайсы нәрсәләрне сез инде эшлсез? Ә кайсыларын эшли алачаксыз? Иң отышлыларын сайлап алабыз да, баш миебезне сөендерә башлыйбыз!
 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    884
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    630
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    533
    0
    0

Блоглар