АТ БЕЛӘН ЗЕБРА СУГЫША: UFC БЕР ЧИТТӘ ТОРСЫН!

Социаль челтәрләрдә Казан Кремле янында ат һәм зебра костюмына киенгән ике адәмнең тәпәләшеп торуы төшерелгән видео таралган. Бу видеода "зебра" һәм "ат" бер-берсенә тояклары белән суккалыйлар. Ә иң кызыгы, читтә бу вакыйгаларның шаһите - ишәк басып тора. Чын түгел инде, тегеләр кардәше, костюмнан!

Дөресен әйтик, бу ике "хайванның" төрткәләшүе чын сугышуга бик охшаман.  Ә бәлки, зур авыр киемнәрдән булулары гына комачаулагандыр. Чын тарткалашуга китә калса, кызык табып карап торучы йөзләгән (!) кеше ни дә булса эшләрләр иде. Видео астындагы коментарийларда "Болар булганда UFCларың бер читтә торсын" ише сүзләр дә күренгәли. "Өч баһадир" мультфильмыннан Юлий исемле ат белән "Мадагаскар"дан Мартин атлы зебра нәрсә бүлешә алмаганнар, дип кызыксынасыздыр. Соң бик гади бит инде, клиентлар өчен "көрәшә" алар. Кешеләрдән фото, ә кайвакыт хәтта кочакланышу өчен генә дә акча алып йөргән бу "акыллы" эшмәкәрләр күпләрнең җелегенә үтәргә җитешкәннәр иде инде. Аеруча Бауман урамыннан тыныч кына үтәм димә. Әллә кайдан гына килеп чыгып, өстеңә атланырга торалар. Фотога төшә калсаң, башың бетте, (ой, юк, акчаң бетте) дип уйла. Бу тояклыларның төгәл прайс-листлары юк: кемнәндер 200 сорасалар, икенче берәүдән 400 таләп итәргә мөмкиннәр.

Казанда хәлләр алай ук хөрти түгел икән әле. Санкт Петербург халкы бу акча талаучылардан шулкадәр гарык булганнар, аларның шул рәвешле акча эшләп йөрүләрен тыюны сорап петиция ачып җибәргәннәр! 4000 имза җыелырга өлгергән инде...

Бу ишәк, атларга төрле яктан карарга була, әлбәттә. Бер яктан, алар безнең кебек үк кешеләр, аларның да ашыйсы-эчәсе килә, аларга да акча кирәк. Икенче яктан, артык бәйләнчек булулары, артыңнан "тагылып" йөрүләре бера-аа-аз гына (бик каты) ачуны чыгара.

Ә теге Мартин белән Юлийның тәпәләшү тарихына кайтсак, бу тарткалашу 15 минуттан артык дәвам итмәгән, полициягә гариза бирүчеләр булмаган, мөгаен, клиентларны бүлешү буенча уртак фикергә килә алганнардыр...

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    1046
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    557
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    435
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019