«5 СЕКУНД» КАГЫЙДӘСЕ:БЕР ЭШ ТӘ КАЛМАЯЧАК!

Юкны бушка аударып, бүгенгене иртәгәгә калдырып, калган эш өстенә карлар яудырып йөрисеңме? Алайса бу язма нәкъ менә синең өчен! 1, 2, 3, 4, 5.! 5 кә хәтле саныйбыз һәм эшкә тотынабыз!

Нинди кагыйдә соң ул?

Кагыйдәнең эчтәлеге мондый: теләсә-кайсы эшкә тотыну өчен нибары 5 секунд вакыт җитә, ягъни бишкә кадәр саныйбыз һәм эшкә тотынабыз. Бу кагыйдәгә таянсаң, хәтта эшлисе килмәгән нәрсәләрне дә эшләргә була.

Әлеге кагыйдә ничек эшли?

“Нинди сәер кагыйдә бу?” – дип уйга калдыңмы? Булмастай эш кебек тоеламы? Практика нәкъ киресен раслый. Бу кагыйдә ничек эшли соң? Аның эффективлыгы нидә?

1. 5кә кадәр санаганда баш мие “5”лене финиш итеп кабул итә. Шуңа өстәп “Алга!” дип тә кычкырып җибәрсәң, эшкә тотыну тагын да җиңелрәк булыр.

2. Кем генә үзен алдалаганнарын яратсын? Үзеңне-үзең алдалавы бигрәк тә сәер булыр иде. Әгәр үзеңә: “5кә кадәр санагач, эшкә тотынам”, - дип вәгъдә итсәң, бу үзенә күрә бер энергетик этәргеч булачак.

Кагыйдәне ничек итеп кулланырга?

Классик мисал – будильник белән уяну. 5 минут саен аны күчереп ятканчы, 5кә кадәр санагыз һәм сикереп торыгыз!

Бу кагыйдәне тормышның бик күп өлкәләрендә кулланырга була. Мисал өчен:

– Берәр кешегә кычкырасы килгәндә 5 кә кадәр санагыз. Санап бетергәнче, тынычланып өлгерәчәксез.

– Берәр проектка тотына алмыйча йөргәндә дә әлеге кагыйдә ярдәмгә килә. Диплом эшеңә тотына алмыйсыңмы? 5, 4, 3, 2, 1! Документны ач һәм яза башла.

– Берәр кешегә шалтыратырга куркып йөрисеңме? 5кә хәтле сана һәм шалтырат.

Табибка языла алмыйча йөргәндә дә шушы кагыйдәне куллан.

Ничек телисез шулай, кайчан телисез шунда кулланыгыз. Кагыйдә сезгә вак-төяк эшләрдә дә, җитди карарлар кабул иткәндә дә ярдәм итәр. Иң авыры – беренче адымны ясау. Аннан соң алай ук куркыныч булмаячак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    839
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    796
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    551
    0
    0

Блоглар