«ПОЛИЦИОНЕР»: ТИНЧУРИН ТЕАТРЫНДА ЧИРАТТАГЫ ПРЕМЬЕРА!

Спектакльнең жанры – музыкаль комедия. Режиссер – Туфан Имамутдинов, рәссам – Екатерина Галактионова (Мәскәү); композитор һәм дирижер – Ильяс Камал; хореограф – Марсель Нуриев; ут кую буенча рәссам – Николай Романов (Санкт-Петербург). Автор – Илгиз Зәйниев. Спектакльдә шулай ук театр оркестры чыгыш ясый.

Спектакльдә Россиянең атказанган, Татарстанның халык артисты – Зөфәр Харисов; Татарстанның халык артисткасы – Зөләйха Хәкимҗанова; Татарстанның атказанган артистлары – Ренат Шәмсетдинов, Алмаз Фәтхуллин, Рөстәм Гайзуллин, Харис Хөснетдинов, Гөлчәчәк Хафизова, Зөлфия Вәлиева, Гөлназ Нәүмәтова, Гүзәл Гайнуллина һәм яшь артист – Эдуард Никитин катнаша.

«Полиционер» спектаклендәге вакыйгалар милициядән полициягә күчеш чорында бара.

Исеме җисеменә туры килмәгән Идеал атлы участок милиционеры, переаттестация үтеп, полиция хезмәткәре буласы килә. Ләкин ул хокук саклау органнарында озак еллар эшләсә дә (лаеклы ялга бары бер ел гына калган!), отделда иң начар күрсәткечләр биргән участок милиционеры санала. Аның бер протоколы, бер ачылган җинаяте юк. Бер эше дә судка барып җитмәгән. Ә озакламый переаттестация! Әгәр дә тиз арада күрсәткечләрен яхшыртмаса, Идеалның бар хыялы челпәрәмә киләчәк...

Әмма “йөз сум акчаң булганчы, йөз дустың булсын” – ди бит, халык. Җәмгыятьтәге кайбер күренешләрне фаш иткән әлеге музыкаль спектакльдә төп геройга авылдашлары, хезмәттәшләре һәм, билгеле инде, әти-әнисе ярдәмгә килә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
КЫЯР БЕЛӘН ПОМИДОР ТУРЫНДА ХИКӘЯТ
532
0
0
Иҗат
«УНБЕРЕНЧЕ ӘХМӘТ» ӘКИЯТЕ
1406
0
1
Иҗат
ДИЮ КЫЗЫ, БАЙ МАЛАЕ ҺӘМ МУЛЛА
1450
0
0