“Әкият” курчак театры татар һәм рус телләрендә пьесалар бәйгесе игълан итә

Татар дәүләт “Әкият” курчак театры татар һәм рус телләрендә пьесалар бәйгесе игълан итә. Әлеге бәйге театрның репертуары сыйфатын яхшырту, потенциаль сәләтле авторларны билгеләү, театр сәнгатен үстерү максатыннан уздырыла.

“Әкият театры өчен яңа пьеса” бәйгесен Татарстан Республикасының мәдәният министрлыгы, Татарстан Республикасының театр эшлеклеләре союзы һәм Татар дәүләт “Әкият” курчак театры тарафыннан гамәлгә куела.

Бәйгегә курчак театры өчен оригиналь пьесалар кабул ителә. Алар татар яки рус телендә, 2017нче елдан да соңрак язылмаган булырга тиеш. Шуңа да пьесаның елын күрсәтү мәҗбүри.

Бәйгедә түбәндәге пьесалар катнаша алмый:


* профессиональ театрларда һәм антрепризаларда куелган;


* вакытлы матбугатта һәм электрон басмаларда басылып чыккан;


* моңарчы нәфис укуларда, башка бәйгеләрдә катнашкан.


Шулай ук бәйгегә үткәрелми:

* инсценировкалар;

* әдәби әсәрләр мотивы буенча язылган пьесалар (искәрмә автор үзе язган әдәби әсәрен пьеса итеп язган очракта гына була ала);

* халык авыз иҗаты сюжетлары буенча язылган пьесалар.

Бәйге 2 этапта уздырыла. “Әкият театры өчен яңа пьеса” бәйгесе 2018нче елның 1нче ноябреннән 2019нчы елның 1нче мартына хәтле, бары электрон форматта гына уздырыла. 2019нчы елның март, апрель айларында бәйгегә кабул ителгән пьесаларны сайлап алу туры башлана. Аның нәтиҗәсендә оештыручылар пьесаларның шорт-исемлеген булдыра. Бирегә эләккән авторлар бәйгенең ахыргы турында үзара көч сынашачак. Әлеге исемлек курчак театрының рәсми сайтында урын алыр: www.puppet-show.ru.

2019нчы елның апрель азагында шорт-исемлеккә эләккән һәр пьесаның кимендә 3 күренеше театраль җәмәгатьчелеккә тәкъдим ителәчәк. 2019нчы елның май аенда җиңүчеләрне бүләкләү тантанасы уздырылачак.
Җиңүчеләр 3 номинациядә билгеләнә:

* “Балалар өчен татар телендәге иң әйбәт пьеса”;

* “Балалар өчен рус телендәге иң әйбәт пьеса”;

* “Иң нәниләр өчен пьеса”.

Соңгы юнәлешнең бурычы – балаларны иң кече яшьтән мәдәният дөньясы белән таныштыру.

Бәйгедә җиңгән авторның пьесасы Театрның сәнгать советы карары буенча курчак театры сәхнәсендә куелырга мөмкин.

Бәйгенең тулы нигезләмәсен театрның сайтында табарга мөмкин: www.puppet-show.ru.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    995
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    828
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    792
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019