ИҢ ТӘКӘББЕР КЕШЕЛӘР КАЗАНДА ЯШИ?

Россиядә иң тәкәббер кешеләр Воронеж, Санкт-Петербург һәм Казанда яши икән! Zoom Market агентлыгы оештырган сораштыру нәтиҗәләре шундыйрак. 

Әлеге исемлектә дүртенче һәм бишенче урыннар Екатеринбург һәм Краснодар шәһәрләренә эләккән, Мәскәү исә җиденче урында. Тикшерү нәтиҗәләренә ышансак, иң тәккәбер булмаган халык Иваново, Түбән Новгород, Симферополь һәм Чиләбедә яши. 

Zoom Market мондый нәтиҗәләрне ничек ясаган соң? Әлеге сораштыруда катнашучылар 6 сорауга җавап бирергә тиеш булган:

📌Үзегезне башкалардан яхшырак итеп тоясызмы?

📌Хаталарыгызны күрә һәм кабул итә беләсезме?

📌Тәнкыйтьне җиңел күтәрәсезме?

📌Башкалар фикеренә колак саласызмы?

📌Башкаларның үзегездән акыллырак була алуын кабул итәсезме?

📌Кешенең социаль статусына игътибар итәсезме?

Zoom Market агентлыгы директоры Андрей Штыров шуны да искәртеп үтә: "Үзегезне тәкәббер дип саныйсызмы?" дигән сорауга 93% кеше "юк" дип җавап биргән. 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла

Блоглар