БАУМАН УРАМЫНДА «ЗӘЛИДӘ» УЕНЫ УЗАЧАК!

9 август көнне 19.00дә Бауман урамы, 24 нче йорт каршында («Кремль» метро станциясеннән ерак түгел) җырлы-биюле «Зәлидә» уены узачак. Татар биюе дәресен Казан Мэриясе «Хәрәкәттә – бәрәкәт» проекты кысаларында оештыра.

«Зәлидә» җырлы-биюле уены остаханәнен халык биюләре педагог-хореографы Сәидә Миннебаева, фламенко биюе остасы, хореограф Гөлсинә Галимуллина үткәрәчәк.

«Зәлидә» – элек-электән халкыбыз тарафыннан яратып уйналган җырлы-биюле уен. Элек татар яшьләре кичләрен бергә җыелып, әлеге уенны уйный торган булган. Аның барышында катнашучыларга төрле җәзалар бирелгән. Уен барышында катнашучылар күңел ачып кына калмый, тапкырлык, җитезлек, өлгерлекләрен дә сыный.

Бауман урамындагы «Зәлидә» уены вакытында музыкантлар белән биючеләр тандемда эшләячәк, музыкантлар үзләре дә әлеге уен катнашучыларына әвереләчәк. Баян белән бергә кубызның да яңгыравы уенга дәртлелек, ритм өстәячәк. Әлеге остаханәсезнең татар биюен шомартыр өчен шәп мөмкинлек.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
ТЕЛЕФОН ИЯСЕ
1500
0
0
Иҗат
ДУСЛЫК
1277
0
0
Иҗат
БАТЫРЛАР ТУДЫРГАН АНА
3607
0
0