1 СЕНТЯБРЬ - ЯКШӘМБЕ. БӘЙРӘМ БУЛАЧАКМЫ?

Быел 1 сентябрь - Белем бәйрәме якшәмбегә туры килә. Шуңа күрә күпләр әлеге чара кайчан узар икән, дип баш вата...

Татарстанның Мәгариф һәм фән министрлыгы исә белем бирү учреждениеләренә Белем бәйрәмен якшәмбе көнне үткәрергә киңәш итә.

– Бу - бары киңәш кенә. Карарны исә мәгариф учреждениесе үзе кабул итә. Шулай да, без 1 сентябрь - бөтен республикада Белем көне  булырга тиеш дип уйлыйбыз. Бу турыда хезмәттәшләребезгә дә җиткердек. Якшәмбе көнне исә ул чын мәгънәсендә гаилә бәйрәменә әвереләчәк, чөнки гаилә әгъзаларының барысы да килә алачак, - дип белдерде Татарстанның Мәгариф һәм фән министры Рафис Борһанов.

Министр сүзләренчә, 1 сентябрь көнне эшләгән өчен укытучыларга өстәмә ял көне биреләчәк. Бу мәсьәләне уку йорты шулай ук үзе хәл итәчәк.

– 1 сентябрь - беренче  һәм өлкән сыйныфларга күчүче бишенче сыйныф укучылары өчен истәлекле көн. Аларны бу бәйрәмнән мәхрүм итәсе килми. Якшәмбе көнне әти-әниләре белән бергә килә алачаклар. Бу исә аларга өстәмә стимул булып торачак, - дип ассызыклады Рафис Борһанов.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    679
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    540
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    332
    0
    0

Блоглар