САЛКЫН КЫШТА КАЙНАР ЧӘЙ: РЕЦЕПТЛАР

Сездә дә салкынмы ул? Җылынабызмы? Ничек ничек! Кайнар чәй эчеп! Хәзер рецептларын язабыз.

Сырганаклы чәй

Сырганак (облепиха) – бик тәмле һәм файдалы җиләк-җимеш. Ул С витаминына бай, шуның аркасында иммунитетны ныгыта.

Кирәк була: сырганак, дарчин (корица), бал.

Ничек итеп әзерләргә? Сырганакны йә яхшылап сытабыз, йә блендерда болгатабыз.

Аннан аларны чәйнеккә яки чынаякка салабыз. Бер кашык дарчин, бал салып болгатабыз, 5 минут тотабыз. Әзер! Тамак авыртканда, салкын тию билгеләре булганда әлеге чәйне йокларга ятар алдыннан эчәргә киңәш ителә.

Имбирьле чәй

Имбирь, сырганак кебек үк, витаминнарга бай. Аппетитны баса, салкын тиюдән котылырга булыша.

Кирәк була: имбирь, яшел чәй, лимон, бал, бөтнек.

Ничек итеп әзерләргә? Имбирьне кабыгыннан әрчибез һәм угычтан уабыз. Килеп чыккан массаны чәйнеккә салабыз, берничә кашык яшел чәй салабыз, ярты лимон согы сыгабыз һәм бер кашык бал салабыз. Тәменчә бөтнек өстәргә була.10 минут тотабыз.

Чәйләрегез тәмле булсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
«УНБЕРЕНЧЕ ӘХМӘТ» ӘКИЯТЕ
597
0
1
Иҗат
ДИЮ КЫЗЫ, БАЙ МАЛАЕ ҺӘМ МУЛЛА
658
0
0
Иҗат
МОҢЛЫ ЧИШМӘ КАЙТАВАЗЫ
973
0
0