КИЧКЕ АШКА: КАЙМАКЛЫ БӘРӘҢГЕ

Моның өчен нибары бәрәңге, каймак (сметана), сыр, яшеллек, суган һәм тәмләткечләр генә кирәк булачак. Киттек!

Нәрсәләр кирәк була:

– Бәрәңге;

– кибет каймагы (сметана);

– сыр;

– яшеллек;

– суган;

– тәмләткечләр.

Ничек итеп әзерлибез?

Каймакны су белән катыштырабыз. Бераз тәмләткечләр салабыз. Яхшылап болгатабыз. Суганны боҗралап турарга кирәк була. Бәрәңгене әрчегәннән соң юка итеп түгәрәкләп турыйбыз. Аннан төбе майланган табага тезеп чыгабыз. Өстенә суган салабыз. Тоз сибәбез. Шулай берничә кат бәрәңге, суган тезәбез. Аннан каймак һәм су катнашмасын өстенә агызабыз. Вак итеп туралган яшеллек Сибәргә мөмкин. Ахырдан 45-50 минутка мичкә тыгабыз. Шуннан соң алып өстенә уылган сыр сибәбез һәм тагын 15 минутка мичкә озатабыз.

Ашларыгыз тәмле булсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: