6 ТӨРЛЕ СЭНДВИЧ РЕЦЕПТЫ

Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.

Йомырка белән

Составы: йомырка тәбәсе, ветчина, сыр, помидор, салат яфрагы, соус һәм ипи.

Йомырка тәбәсен кыздырабыз һәм бөтен әйберне дә чиратлап ипи өстенә тезәбез. Иң өскә соус агызабыз. Һәм тагын бер ипи куябыз.

Помидор һәм сыр белән

Составы: помидор, сыр, колбаса, ипи.

Үзегез теләгән эзлеклелектә чираттан ипи өстенә тезәбез.

Тавык һәм авокадо белән

Составы: авокадо, тавык, ипи, тоз, борыч.

Авокадоны яхшылап изәбез, тавыкны кыздырып алабыз. Шуны ипигә салабыз. Теләгән очракта авкокадога тоз, борыч сибәргә була.

Тунец һәм сыр белән

Составы: консервланган тунец, эремчекле (творожный) сыр, ипи.

Тунецны яхшылап чәнечке белән изәбез, аннан аңа берәр соус салып болгатырга була. Ипигә башта эремчекле сырны, аннан тунецны сылыйбыз.

Күркә ите һәм груша белән

Составы: груша, күркә ите, эремчекле сыр.

Грушаны телемләп кисәбез, күркә итен йә пешерәбез, йә кыздырабыз. Ипи өстенә сырны ягабыз, груша, аннан күркә итен куябыз. Сэндвичка әстерхан чикләвеге, помидор һәм салат яфрагы да салырга була.

Арахислы паста һәм банан белән

Составы: арахислы паста, банан, ипи.

Ипигә паста сылыйбыз, банан куябыз. Баллырак булуын теләсәгез, бераз бал яки шоколадлы паста да сыларга була.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    755
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    699
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    515
    0
    0

Блоглар