НЕТВОРКИНГ: КЕМГӘ КИРӘК ҺӘМ НИГӘ КИРӘК?

Лилия Гыймазова блогы

Сәлам! Бүген минем сиңа “нетворкинг” турында сөйлисем килә. Нәрсә ул? Кемгә кирәк һәм файдасы нидә соң аның? Әлеге сорауларга җавапны табасың килсә, ахырына кадәр укы! Нетворкинг – ул синең алга ку...

Сәлам! Бүген минем сиңа “нетворкинг” турында сөйлисем килә. Нәрсә ул? Кемгә кирәк һәм файдасы нидә соң аның? Әлеге сорауларга җавапны табасың килсә, ахырына кадәр укы! Нетворкинг – ул синең алга куелган катлаулы мәсьәләләрне хәл итү өчен төрле өлкәдә профессионал булган кешеләр белән аралашу, танышу. Мондый танышулар саны арткан саен, киңәш яки ярдәм сорарлык, я булмаса үзеңә үрнәк итеп куярдай танышларың саны да киңәя. Нәрсәгә кирәк соң ул? Нетворкинг бизнес белән шөгыльләнүчеләр өчен алыштыргысыз әйбер, ләкин көндәлек тормышта да аның файдасы бихисап зур. Беренчедән, яңа кешеләр белән танышкан вакытта яңа мөмкинлекләр ачыла, без башка кеше тәҗрибәсен, аның дөньяга карашын күрәбез һәм, әлбәттә, бик күп яңа мәгълүмат туплыйбыз. Икенчедән, без аралашырга өйрәнәбез, урысча әйткәндә, “зона комфорта”дан чыгабыз. Ә аралаша белү, таныш белмәгән кешеләр янында үзеңне тыныч һәм ышанычлы тоту – иң кирәкле сыйфатларның берседер, минемчә. Шулай ук, яшүсмерләр өчен төрле өлкәләрдә эшләүче танышлар табу киләчәктә, профессия сайлаган вакытта бик кирәк. Кайвакыт шул рәвешле кеше тормыш ориентирын да табырга мөмкин. Менә шул. Әлеге язма сиңа файдалы булгандыр дип ышанып калам. Таныш, аралаш! Шул очракта син, үзең дә сизмәстән, төрле яклап үсәчәксең!
Теги:
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    4669
    0
    88
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3722
    0
    33
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3602
    0
    36

Блоглар