ТИЗДӘН БДИ: ВАКЫТНЫ ДӨРЕС БҮЛЕРГӘ ӨЙРӘНӘБЕЗ

БДИга әзерләнүчеләр! Вакытны дөрес файдаланып, имтиханга яхшы итеп әзерләнергә теләсәгез, бу язманы укыгыз.

1) Кызыксыну

Мәгълүмат синең өчен кызыклы булса, яхшырак истә кала. БДИга әзерләнгәндә бөтен мәгълүмат та 100% кызыклы була алмый анысы. Шуңа күрә өйрәнгән әйберләр эченнән үзең өчен кызыклы мәгълүматлар таба белү мөһим (көтелмәгән борылыш, факт, детальләр).

2) Мәгълүмат зурлыгы

Моңарчы күбрәк мәгълүмат үзләштерелгән булса, яңасы яхшырак истә кала. “Артык” белемнәрдән курыкма. Музейга, урманга бар, теманы дусларың белән бергә сүтеп җый. Болар барысы да коры текстны мавыктыргыч мәгълүматка әверелдерер.

3) Ял итү

Яңа мәгълүмат үзләштергәндә һәр 45 минут саен 10-15 минут ял итеп алыгыз. Ял вакытында йә йөреп керү, йә берәр физик эш эшләп башны ял иттерү яхшы булыр.

4) Кабатлау

Материалны тиешле дәрәҗәдә истә калды, дип санасаң да, аны күпмедер вакыт узгач, тагын бер кат кабатлап алу яхшы булачак. Мәсәлән, мәктәптән кайтканда, савыт-саба юганда яки киләсе мәгълүматны үзләштерә башлар алдыннан.

5) Шпаргалка

Шпаргалка ясыйбыз. Аны имтиханга алырга кирәкми. Барлык материалны тәртипкә китерү, план төзү өчен шпаргалка ясау бик файдалы.

6) Хәтер үзенчәлекләре

Кемнәрнеңдер күз хәтере яхшы, кемнәрдер ишетеп яхшырак истә калдыра. Күреп истә калдыручылар өчен текст, рәсемнәрне күрү, ишетеп яхшырак кабул итүчеләр өчен аудио, видеолекцияләр тыңлау яхшы.

Иң төп киңәш: вакытында ятып йокла, саф һавада йөр һәм дөрес туклан! Сәламәт тәндә сәламәт рух икәнлеген онытып җибәрмә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    818
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    584
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    480
    0
    0

Блоглар