«АЗИЯ ХЫЯЛЫ НИНДИ БУЛА?»

Бүген Нин Цзэтао ирекле стиль белән 100 метр дистанциягә йөзү буенча финишка 47,84 секунд күрсәткеч белән килде һәм Дөнья чемпионатында ирекле стиль белән 100 метр арада җиңү яулаган беренче азиат спортчысы булып танылды. Финалга кадәр австралияле йөзүче, Панамерика уеннары җиңүчесе Кэмерон Макэвойга бирешсә дә, финалда Нин Цзетао аны 0,11 секундка узып китте.

Бассейндагы көнәшлек, дөрестән дә, шаккатыргыч булды. Мисалга, Олимпия чемпионы Натан Адриан призерлар өчлегенә керә алмады һәм бүген 7 нче урынны бельгияле спортчы Питер Тиммерс белән бүлеште бит.

Бу көнне мин беркайчан да онытмаячакмын, мин бөтен дөньядан килгән иң әйбәт спортчылар белән ярыша алдым. Мондый нәтиҗә күрсәтүемә мин әйтеп бетергесез шатмын! Кытайдан килгән спортчы кыска дистанциягә йөзүдә җиңде – бөтен Азиянеке кебек, бу минем өчен хыял иде. Бу безгә Рио-де-Жанейро өчен әзерлектә билгеле бер ышаныч тудырачак дип уйлыйм. Анда мин тагын да югарырак нәтиҗәләр күрсәтергә тырышачакмын. Хәзер миңа ММЧ һәм башка кешеләр тарафыннан күбрәк игътибар булыр дип уйлыйм”, - дип шатланып сөйләде журналистларга Нин Цзэтао.

Нин Цзэтаоның 4 тапкыр Олимпия чемпионы, Совет чорының легендар спортчысы, 90 нчы елларның иң танылган спортчысына охшарга тырышуы да билгеле булды.

Мин Александр Поповка сокланам. Күнегүләр һәм чыгыш ясауда мин аңа охшарга тырышам, чөнки ул – үрнәк алырлык шәхес”, - дип әйтте Кытай спортчысы.

Цзэтао өчен мөһим булган тагын бер ил – Австралия. Биредә ул күнегүләр ясарга өлгергән һәм әлеге илнең тренеры белән әйбәт аралаша (моны аларның бүләкләүдән соңгы аралашуларыннан сизәргә мөмкин иде). Йөзүче җыелма командалар үзара хезмәттәшлекне дәвам итәрләр дип ышана һәм Рио-де-Жанейродагы Олимпиадада ясалачак чыгыш уңышлы булыр дип көтә.

Алтын яулау минем өчен хыял иде. Бортка тигәч, мин җиңдем дип уйламадым да. Нәтиҗәләргә карагач, йөзештә җиңүемне аңладым – бу шаккатыргыч иде”, - дип сөйләде йөзүче.

Журналистларны бүләкләү тантанасында аның үз иленең гимны уйнаганда “хөрмәт” бирүе дә кызыксындырды.

Мин спортчы гына түгел, ә Кытайның гражданины да”, - дип гади генә аңлатты моны үз туган иленең гади солдаты булган спортчы.

Мәгълүмат Су спорт төрләре буенча 16 нчы ФИНА дөнья чемпионаты Оештыру комитеты матбугат хезмәтеннән алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2656
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    819
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    702
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019