Балалар тәрәзәләрдән егылып төшә: КЕМ ГАЕПЛЕ?

Татарстанда ел башыннан бирле 20 бала тәрәзәдән егылып төшкән. Аларның 2се үлгән. Куркыныч саннар һәм әлеге хәвеф-хәтәрне ничек булдырмый калу турында бүгенге матбугат конференциясендә сөйләштеләр.

2018 елда Россия буенча тәрәзәләрдән 905 бала егылып төшә. Аларның 123е үлгән, 33е гарип калган.

Бер аяныч мисал...


Мондый хәлләрнең берсе агымдагы елның 4 июль кичендә 21.00 сәгатьтә була. Чаллы шәһәрендә 6 яшьлек малай 16нчы каттан астагы бер машина өстенә килеп төшә. Ни кызганыч, күпме генә тырышсалар да, табиблар баланың гомерен саклап кала алмый, ул 23.00 сәгатьтә җан бирә.

Әлеге хәлнең килеп чыгуының төп сәбәбе – ата-аналарның балаларны карап җиткермәве, ди Татарстан Республикасының бала хокуклары буенча вәкаләтле вәкиле Гүзәл Удачина: "Балагызга “ярамый” дип әйтү әле ул алай эшләмәячәк дигән сүз түгел, бу баланың яшенә бәйле психологик үзенчәлекләре белән аңлатыла".

“Баланың бала булуы турында онытмагыз”




Психологик яктан бу күренешкә бәяне Республика балалар клиник хастаханәсенең (ДРКБ) психология хезмәте җитәкчесе Лилия Горохова бирде:

- Бу төр бәла-казага күбесенчә ата-аналарның җитәрлек дәрәҗәдә балалар психологиясен аңлап җиткермәүләре илтә. Сез балага барысын да аңлатасыз, “тәрәзәгә якын килергә ярамый” дип әйтәсез, ул “ярар” ди, тик чынлыкта барысы да башкача борылыш ала. Кечкенә баланың баш мие тулысынча формалашып җитмәгән, ягъни ул үзенең адымнарын, әлеге адымнарның нәрсә илтәсен аңламый, хәзер ул “ярар” дисә дә, бер минуттан бала  бу турында онытырга, игътибарын тәрәзәдәге чыпчыкка юнәлтергә мөмкин. Баланың нәкъ менә бала булуы, күп нәрсәләрне аңлап җиткермәве һәм моның нормаль күренеш булуы турында онытмагыз.

“Балаңның үлемен кичерү  бик авыр...”




Республика балалар клиник хастаханәсенең травмотолоия һәм ортопедия бүлеге җитәкчесе Алексей Глушков сүзен: “Үз сүземне куркыныч нәрсәләрдән башларга мәҗбүрмен”, - дип башлады.

- Без үз хастаханәбездә биеклектән егылып төшү нәтиҗәсендә алган яра, җәрәхәт, сынулар белән эш итәбез, - диде ул, - иң куркынычы – егылу нәтиҗәсендә исән калсалар да, мондый балалар килчәктә башка яшьтәшләре кебек үсә һәм формалаша алмый. Ни кызганыч, тәрәзәдән егылып төшкән балаларның саны кимеми. Балаларының тынсыз яткан гәүдәләрен күреп, катып калган ата-аналарның күзләрен күрсәгез иде... Балаңның үлемен кичерү бик авыр..., - диде табиб.

Нишләргә соң?


Мондый хәл безнең белән булмас, дип һич кенә дә әйтеп булмый. Бу турыда сөйләшү дәвамында спикерлар да берничә кат искәртте. Алар әйтүенчә, әлеге төр бәла-каза теләсә-кайсы гаиләдә була ала. Шуңа күрә киләсе кагыйдәләрне һәркем исендә тотарга һәм үтәргә бурычлы:

- балаларны бер минутка да үзләрен генә калдырмагыз;


- бөҗәкләрдән саклый торган челтәргә ышанмагыз, ул балаларны тотып кала алмый;


- тәрәзә янындагы җиһазлар тотмагыз, бала алар буенча тәрәзәгә үрмәләп менә алмасын;


- тәрәзәләрне балалар ача алмаслык итеп көйләп куегыз яки тәрәзәне ача торган тоткычны алып куегыз;


- балагызны булдыра алган кадәр ешрак тәрәзәдән егылып төшү куркынычы барлыгы  турында кисәтеп торыгыз.


Зилә САБИТОВА

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1951
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019