СОЦИАЛЬ ЧЕЛТӘРЛӘР: МАКСАТКА ИРЕШҮ ӨЧЕН 5 КИҢӘШ

Сәлам! Мин – Динара, Вконтактеда популяр булган «Чё гуглит татар кызы» төркеменең авторы. «Ялкын» битләрендә сиңа Интернет, социаль челтәрләрне дөрес куллану серләрен ачарга булдым әле. Каршы түгелсеңдер бит? Алайса, башлыйк!



Декабрь – узган елга йомгак ясау вакыты гына түгел, ә яңасына планнар кору чоры да. Киләсе 12 ай дәвамында чынга ашырасы теләкләр исемлеген төзи башладыңмы әле?

Беләсең килсә, куйган максатларга ирешүдә Интернет һәм социаль челтәрләр яхшы гына ярдәм итә ала. Юк, гуглны ярдәмгә чакырырга ашыкма әле син, иң яхшысы, түбәндәге киңәшләргә колак сал!

 

  1. Смартфоныңдагы кушымталарны чистарт.


Яңа елда инглиз телен ныгытырга, даими рәвештә физик күнегүләр ясый башларга, логик фикерләү осталыгын үстерергә телисеңме? «Виртуаль йорт хайваны» ише кушымталарның бу эштә бер дә ярдәме тимәс. Игътибарыңны читкә юнәлткән, кирәкмәгән кушымталарны бетереп, кирәкләрен генә калдыр һәм көйлә. Әйтик, чит телләрне белү дәрәҗәңне камилләштерү өчен – виртуаль сөйләүлек, фикерләү сәләтен яхшырту өчен – логик мәсьәләләр, физик мөмкинлекләрне үстерү өчен  күнекмәләр вакытын искә төшерә торган махсус кушымталар ярдәмгә килер.

  1. Социаль челтәрләреңә ревизия яса.


Дөресен генә әйт әле, син язылган/теркәлгән 100дән артык төркемнең барысы да сиңа кызыклымы? Телефоныңны кулга алу белән, вакытыңны бушка уздырырга мәҗбүр итмиләрме? Һәрбер язылган төркемгә/каналга кечкенә анализ ясап кара: бу мәйданчыкны нинди ешлык белән күзәтүеңне, андагы мәгълүматның сиңа никадәр кирәкле булуын ачыкла («Чё гуглит татар кызы» паблигына бу кагылмый, әлбәттә, кәефеңне күтәреп, ял иттерә торган бер-ике төркемне калдырсаң да була). Кәефеңне бозган, мәгънәсе булмаган, негатив төсмер йөрткән аккаунт һәм төркемнәрдән баш тартып, позитив, файдалы, сине яхшы якка үзгәртә торган мәйданчыкларга гына урын калдыр. Рәхәт һәм иркен булып киткәнен тиз арада тоярсың!

  1. Онлайн-марафоннарны күзлә.


Күптәннән матур итеп рәсем ясарга, хикәяләр иҗат итәргә яисә текә видеолар төшерергә тели идеңме? Моның өчен аерым мәктәпкә/дәресләргә йөрмәсәң дә була – Интернет сафларында көн саен диярлек йөзләгән иҗади марафон башланып кына тора! 6–7 онлайн-дәрес карап һәм махсус өй эшләрен эшләп, тиз арада кызыккан өлкәнең нигезләренә төшенә аласың. Марафоннарны махсус хештеглар ярдәмендә эзлә. Әйтик, #творческиймарафон, #музыкальныймарафон, #марафонпорисованию, #акварельныймарафон, #скетчингмарафон һәм башка шуңа охшаш сүзтезмәләр ярдәмендә кирәклесен табарга була.

  1. Сиңа үрнәк булырлык кешеләр белән таныш һәм дуслаш.


Интернет – супермөмкинлекләр дөньясы. Үзем белән булган кечкенә генә бер тарихны сөйләп китәм әле. Күптән түгел мин Даниядә яшәүче бер язучының китабын укыдым. Ул мине шулкадәр илһамландырды ки, мин хәтта аның авторын Интернетта эзләп табарга булдым. 5 минут эчендә диярлек Инстаграмдагы аккаунтына кереп тә эләктем. Соңгы фотоларының берсе астында инглиз телендә «Китабыгызны укып чыктым. Уңай кичерешләр, илһам бүләк иткәнегез өчен зур рәхмәт! Тагын языгыз!»  дигән комментарий калдырдым. Язучы ханым җавапсыз калмады: «Бик зур рәхмәт! Китабыма бар дөнья ачык дигән сүз бу!» – дип язды. Мин әле дә аның фотоларын һәм язмаларын күзәтеп барып, илһамланам. Син дә, шундый кешеләрне табып, аларга сораулар биреп, киңәшләр сорый аласың, көндәлек тормышларын күзәтеп бару да комачау итмәс.

  1. Зур максат куйдыңмы? Дусларыңа сөйлә!


Мотивацияне арттыруның үтемле бер чарасы – максатың турында язылучыларың (подписчиклар) белән уртаклашу. Әгәр дә теләгең турында киң аудиториягә сөйләсәң, артка чигенә алмассың. Өстәмә бонус: максатыңа илткән казанышларың белән социаль челтәрләрдә бүлешеп барсаң, дусларың/танышларың сине комментарийлары белән дәртләндереп торыр, зур юлыңда терәк-таяныч ролен үтәр. Хыялыңны чынга ашыру ноктасына килеп җиткәнеңне сизми дә калырсың!

Әлегә менә шундый киңәшләр. Ихтыяр көчеңне үстереп, Интернетны файдага гына куллансаң, уңыш үзен озак көттермәс. Яңа елда барлык планнарыңның чынга ашуын телим!

 

Динара Зиннәтова

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4627
    2
    91
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2652
    1
    76
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2326
    0
    56
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1783
    0
    19
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1501
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    94
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    93
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019