КФУ: «Э-ЭЭЭЙ, АБИТУРИЕНТЛАР КИЛӘ!»

КФУга керер өчен документларын тапшырган абитуриентларның иң яшенә – 15, ә иң олысына ничә яшь? Абитуриентлар турында бу һәм башка кызыклы фактлар әлеге язмада!

Шулай ук Казан федераль университетына  имтиханнан 100 балл туплаган 274 (!) кеше документларын тапшырган. Бу турыда кабул итү комиссиясенең җаваплы сәркатибе Олег Бодров:

– 2018 ел белән чагыштырганда быел абитуриентларның БДИда туплаган баллары югарырак, ә бакалавриат өчен бүленеп бирелгән урыннар шул ук санда. Шул сәбәпле, күп кенә абитуриентлар борчыла һәм ахырга кадәр документ оригиналларын тапшырмый. Бу аларны керү ихтималы зуррак булган уку йортына илтеп тапшырыр өчен шулай эшләнә. Бүгенге көндә КФУга 4217 документның оригиналы тапшырылган. Ә план буенча без 5345 студентны кабул итәчәкбез. Якын арада башкалар да оригиналларын тапшырып бетерер, дип уйлыйбыз, -ди.

Сүз уңаеннан, оригиналларның күбесе психология һәм белем (556), филология һәм мәдәниятара багланышлар (460) һәм халыкара мөнәсәбәтләр (416) институтына тапшырылган. Лидерлар арасында идарә, икътисад һәм финанслар институты (300)  һәм фундаменталь медицина һәм биология (270) институты да бар.

КФУның Алабуга филиалында быел нибары 551 бюджет урыны исәпләнә. Бүгенгә көнгә 418 абитуриент документларының оригиналларын тапшырган. Чаллы институында бюджет урыннары күбрәк – 832, ә тапшырылган оригиналлар 683не тәшкил итә.

Түләп укырга керүчеләр ничә?


КФУга контракт нигезендә укырга керергә теләүчеләр саны 2123не тәшкил итә. Ә план буенча әлеге урыннар - 6704.

“Бюджет урыннарына кабул итү тәмамлангач, контракт нигезендә укырга керүчеләр арасында да конкурс булачак. Бу бюджет урыннарына эләгә алмаган абитуриентларның түләп укырга теләүләре белән бәйле”, - дип аңлата Олег Бодров.

Гомумән алганда, 2019 елда КФУга 12 074 беренче курс студентын кабул итәргә планлаштырыла. Иң яшь абитуриентка 15 булса, иң олысына – 72 яшь. Ә 100 балл туплаучылар арасында 3 имтиханнан 100әр, 1 имтиханнан 99 балл җыйган Казан егете Рамил Баһавиев та бар. Ул КФУның Н.И.Лобачевский исемендәге математика һәм механика институында укуын дәвам итәргә тели.

Зилә САБИТОВА



Тагы бу темага язмалар:


БДИны - 399 баллга!


БДИдан начар балларда кем гаепле?

Нравится
Комментарии (0)
Осталось символов:
Шәп укыла
  • 21 август 2019 - 15:57
    МИНЕМ ЯНГА АТЛАР КИЛДЕ... Бүген таң белән Салпар авылында берсеннән-берсе шомлырак ике хәбәр таралды. Буран котырган бу төндә, ферма стеналарын җимереп, колхозның иң хәлле биш атын урлап киткәннәр. Халидә белән Зәкәриянең кече уллары уеннан кермәгән. Урам очында яшәүче Матур апасында да кунмаган, күршедәге дус малае Рөстәмдә дә табылмаган...
    66
    0
    0
  • 22 август 2019 - 16:22
    УЕН (АНТИХИКӘЯ) – ГАЛИМҖАН ГЫЙЛЬМАНОВ Кафе. Ишектән тәкәббер генә бер чибәркәй килеп керде. Залга үтешли, янәшәдәге өстәл артында моңаеп утыручы егеткә күз сирпеп алды. Әллә исәнләште дә инде?
    43
    0
    0
  • 20 август 2019 - 21:30
    ТУГАН КӨНСЕЗ МАЛАЙ (ГАЛИМҖАН ГЫЙЛЬМАНОВ) Бу ятимнәр йортында әнисез яки әтисез балалар күп. Әтисез-әнисез балалар да бар. Кайберләренең әти-әнисе генә түгел, әби-бабасы, туган-тумачасы да юк. Анысы гына нәрсә... Айдарның туган көне дә юк хәтта. Барлыкка бар, тик дүрт елга бер генә килә. 29 нчы февраль көнне туган шул ул, кәбисә елны. Шуңа күрә, бер мәртәбә үткәрә дә өч ел рәттән туган көнсез, бәйрәмсез яши. Бу балалар йортына килгәч, ул әле бер дә үткәрмәде туган көнен.
    25
    0
    0
  • 6 август 2019 - 09:47
    «ЯНЫМДАГЫ КОЯШЫМНЫ ҖИБӘРГӘНМЕН...» – ЗӘРИНӘ ХУҖИНА ***
    Ә гомерләр үтте китте,
    Ә син китмәдең һаман.
    Калбемнең иң тирәнендә
    Күмелеп калдың бер заман.
    Ул көнне әле хәтерлим,
    Түп-түгәрәк ай яна.
    Гитарада уйныйсың син,
    Тыңлатып җырлар яңа.
    Яңа җы...
    22
    0
    0
  • 16 август 2019 - 13:38
    ФӘНИС ЯРУЛЛИН ШИГЫРЬЛӘРЕ Безнең сөю яшерен хәзинәдәй Тирән казып җиргә күмелгән. Белмәсеннәр өчен өсләренә Тигез итеп туфрак сибелгән. һәм белмәс тә аны һичбер кеше, Ул күмелгән шундый тирәнгә. Өсләрендә уйный бала-чага Ауный-ауный яшел чирәмдә.
    17
    0
    0
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    12
    0
    0
  • 12 август 2019 - 11:51
    ХАЛЫКАРА ЯШЬЛЕК КӨНЕ! Яшьлек, гомрең кыска синең, шундый кыска булып тоела... Бүген халыкара яшьлек көне! Кеше гомеренең иң гүзәл, хисләр белән кайнап торган, әкияти матур чагы! Ә яшьлек турында шагыйрьләрдән дә матуррак и...
    13
    0
    0
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019