Җәйге “Open air”: бирегә килергә кирәк! /ФОТО/

Сабантуйлар чоры артта калды, дип моңсуланучыларга “Болгар радиосы” җәй мизгелләрен татып калырга янәдән бер мөмкинлек бирде. Җиденче июль көнне ачык һавада грандиоз бәйрәм концерты оештырды! Җәйге “Open air” ничек узды һәм оештыручылар кунакларны нәрсә белән шаккаттырды? Тулырак әлеге язмада.

“Тормыш әлифбасы” тапшыруының алып баручысы Наилә Гыйбадуллина һәм радионың баш мөхәррире, продюсеры  Илфар Кәримов тамашачыларга “open air” сүзен менә ничек аңлатты: “Гадәттә, “on air” студиягә чит кешеләргә керү тыелганлыгын белдерә, ә “open air” исә ачык һавадагы концерт дигәнне аңлата, бирегә, киресенчә, килергә, керергә кирәк!” – ди алар. Димәк, Горки-Әмәт урман паркында бер юлы барлык “Болгар радиосы” алып баручыларын һәм, әлбәттә, җырчыларны үз күзләребез белән күрү бәхете тәтеде безгә. Әле алай гына да түгел, популяр йолдызлар белән бергә радио хезмәткәрләре көтелмәгән дуэтлар да башкардылар!

“Без Эльвира Шакирова белән эш буенча күптәнге танышлар. Бер дә белмәгән кеше белән, әлбәттә, дуэт башкармас идем. Шуңа күрә Эльвира бергә җырларга тәкъдим иткәч, ризалаштым. Өстәвенә, эксперементларны мин бик яратам! Тырышлыгыбыз бушка китмәде, тамашачы безнең дуэтны бик җылы кабул итте”, - ди яңа гына “Болгар радиосы” сайтының мөхәррире Эльвира Шакирова белән “Алма кебек кызарма” җырын башкарган Раяз Фасыйхов.





Әйткәнебезчә, көтелмәгән парлы җырлар бик күп булды әлеге чарада. Иң кызу чыгышлар арасында Артур Фәләхов һәм Рината Тей, Айзилә Батырханова һәм Илназ Гәрипов, Миләүшә Кашафутдинова һәм Илмира Нәгыймова дуэтлары да бар иде. Күп кенә тамашачылар исә парларның тере тавышка җырлауларында шикләнгән булсалар, Лилия Хәйруллина һәм “Нокта” тапшыруының алып баручысы Гөлназ Фәйзрахманова чыгыш ясаганнан соң фонограммага бу концертта урын юклыгына тулысынча инандылар. Кинәт кенә җыр уртасында көй бетүгә карамастан, кызлар башлаган эшләрен ахырына кадәр җиткерделәр!

ИлГәрәй дә эстрадагы фонограммага карата үз фикерен белдерде. “Мин тере тавыш яклы. Фонограммага җырлап халык белән аралашу-сөйләшү мөмкин түгел, гел борчыласың, “микрофон эшлиме икән”, дип уйлыйсың... Үз гомеремдә 16 ел сәхнәдә булып та, бары тик 25-30 тапкыр гына фонограммага җырлаганмындыр, анысы да тамак авырту сәбәпле генә”, - ди ул.

Концерт дәвамында бик күп таныш җырлар тыңлаганнан соң, бер сорау борчый башлады мине: чарада катнашучы артистлар нинди критерийлар буенча сайлап алынган? Барысы да бик гади икән бит. “Мондагы җырчылар иң яхшылары! Биредә халык мәхәббәтен яулаган йолдызлар. Бер җөмлә белән генә әйткәндә, бу җырчыларны һәм алар башкарасы җырларны халык сайлый”, - дип җавап кайтарды "Хәбәрләр" алып баручысы Миләүшә Кашапова. “Сәхнәдә чыгыш ясау һәм радиода сөйләү бер-берсеннән бик нык аерыла. Гади тормышта мин бик тыныч кеше, “Яңалыклар” хезмәтендә эшләү дә җитдилек тәлап итә, ә монда мин тулысынча күңел ачтым!”, - ди алып баручы Миләүшә Кашапова үзе турында.





Дөрестән дә, бик күп йолдызны үз эченә берләштергән чара матур хис-кичерешләргә бай булды. Һава торышы да, алдан сөйләшенгәндәй, кояшлы мизгелләре белән шатландырып торды!




Илүзә Касыймова


Илназ Мөхәрләмов фотолары

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1951
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019