ҖИТӘКЧЕГӘ СОРАУ: Сезгә эшкә кергәндә билге мөһимме?

Даими укучыларыбыз яхшы белә: инде берничә ел дәвамында без “Газпром трансгаз Казан” компаниясе белән тыгыз элемтәдә эшлибез. Бүген без сезне компаниянең яңа генераль директоры Рөстәм УСМАНОВ белән таныштырырга булдык. Ул яшүсмерләргә, кайсы профессияне сайларга белми аптыраган өлкән сыйныф укучыларына мөһим киңәшләр бирде. Язманы бик җентекләп укыгыз, дуслар. Үзегез өчен бик күп кызыклы мәгълүмат туплаячаксыз! 

Июль башында “Газпром трансгаз Казан” компаниясенең генераль директоры алышынды. Предприятиене 20 елдан артык җитәкләгән Рәфкать Кантюков урынына моңа кадәр “Газпром трансгаз Уфа” генераль директоры урынбасары булып эшләгән Рөстәм Усманов килде. Аның сүзләре, уй-фикерләре яшьләр өчен шактый кызыклы.

“Әгәр дә ир-ат үз профессиясен дөрес сайласа, аны башка һөнәргә алыштырмаячак!”


- Газ өлкәсендә эшләү шактый мәртәбәле, әмма бик җаваплы хезмәт. Мин үзем газчылар гаиләсеннән. Әтиемнең үз эшен ни дәрәҗәдә яратып башкарганын күреп үстем. Әти күп вакытын эштә уздырса да, ул минем өчен чын мәгънәсендә үрнәк булды. Аңа охшарга тырышканмындыр, мөгаен. Мәктәпне тәмамлаганда, кайсы уку йортына барачагымны төгәл белә идем инде. Шулай итеп әтиемнең эшен дәвам иттердем, - дип уртаклашты Рөстәм Усманов.

“Эш акча гына түгел, ә канәгатьлек хисе дә бирергә тиеш”


Җитәкче фикеренчә, сайлаган профессия, беренче чиратта, кешенең үзенә ошарга тиеш. “Бу профессия популяр, монысы акчалы”, - дип кенә уйларга ярамый.

- Шәхсән мин хезмәт кенәгәмдә бер генә язу - “Газпром” компаниясе булу белән горуланам, - ди яңа генераль директор.

“Көндәшлеккә сәләтле кадрларны мәктәптән үк әзерләү мөһим”


Шуңа күрә булачак профессияңнең нинди булачагын, кайсы һөнәр сиңа канәгатьлек хисе китерүен мәктәптә укыганда ук төгәл белергә кирәк. “Газпром трансгаз Казан” компаниясенең кадрлар белән эшчәнлеге дә нәкъ менә шуны күздә тота.

- Югары квалификацияле кадрлар җитмәү проблемасы һәр тармакта бар. Газ өлкәсе шулай ук искәрмә түгел. Шуңа күрә бу өлкәгә, һичшиксез, зур игътибар бирәбез, булачак кадрларны мәктәптән үк әзерлибез. Хәзерге вакытта КНИТУ (КХТИ) каршындагы сәләтле балалар өчен химия лицей-интернатында махсус “Газпром” сыйныфлары бар. Әлеге сыйныфларны тәмамлап чыккан иң тырыш укучылар белән махус килешүләр төзеп, югары уку йортында укытып, үзебездә эш тәкъдим итәбез, - ди Рөстәм Усманов.

“Белем генә җитми, җаваплылык хисе, тырышлык, үз эшеңне ярату дә мөһим!”


Ә гел “бишле”гә генә укымаган үсмернең дә “Газпром”да эшлисе килсә нишләргә?

- Белгечләрнең төрлесе бар бит. Яхшы билгеләргә генә укыган, акыллы, фәнни эшләрне чит телләрдә генә яклый торган студентларны тыңлау, алар белән аралашу бик рәхәт! Бу - зур горурлык! Андый белгечләрне җәлеп итү “Газпром” гына түгел, һәр компания өчен мөһим. Тик шул ук вакытта гел “бишле”гә генә укымаган яшүсмерләрдән дә бик яхшы белгечләр, хәтта җитәкчеләр чыгарга мөмкин бит! Моны онытырга ярамый. Шуңа күрә белем дәрәҗәсеннән тыш, җаваплылык хисе, тырышлык, үз эшеңне яратып, нәтиҗә өчен эшләү кебек сыйфатлар да бик зур роль уйный, дип саныйм. Шуңа күрә бу сыйфатларга да игътибар итәбез, билгеле, - ди Рөстәм Усманов.

Менә шундый гади, әмма шул ук вакытта бик мөһим киңәшләр! Без исә исегезгә төшерәбез: хәзерге вакытта “Ялкын”да “Газпром трансгаз Казан” компаниясе белән берлектә игълан ителгән “ЯШӘҮ ЧЫГАНАГЫ – ГАЗ” дип атала торган конкурс дәвам итә. Әле катнашмаган булсагыз, ашыгыгыз! Безнең җиңүчеләр, бәлки, нәкъ менә сездер!

Рәмзия ЗАКИРОВА

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1949
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019