ИНТЕРНЕТТА ДӨРЕС БӘХӘСЛӘШ!

Урта гасырларда, хәтта әле XIX гасырда да сине мыскыл иткән кешене дуэльга чакыру гадәти күренеш булган. 21 гасыр дуэльләрнең яңа төрен – интернет-бәхәсләрне тудырды. Әлеге бәхәсләрдә ничек итеп җиңәргә – “Ялкын” киңәшләре.

Киңәш №1. Бервакытта да көндәшеңә карата әшәке, ямьсез сүзләр кулланма, якыннары, гаиләсе турында теләсә нәрсә әйтмә. Бу шундук синең дәрәҗәңне төшерәчәк, бәхәстә барыбер җиңелгән итеп күрсәтәчәк.

Киңәш №2. Җавап кайтарырлык сүзләрең калмаса, көндәшеңнең бар әйткән сүзенә “әйдә, дәвам ит”, “ник туктадың – сүзең беттемени?” яки “шул гынамы әйтәсе сүзең?” дию – бер дигән җавап вариантлары.

Киңәш №3. Әгәр җавап сине тупикта, кыен хәлдә калдырса, “мин синең шулай дип әйтәсеңне белгән идем – син берни аңламыйсың икән” дип яз.

Киңәш №4. Вакыт-вакыт “без бит бәхәсләшмибез, мин бары тик сезгә төшендерәм генә” дип язып алырга онытма.

Киңәш №5. Көндәшең үзенең тормыш тәҗрибәсе белән уртаклашса, “бу сөйләшү темасына кагылмый, әлбәттә, әмма уртаклашканың өчен рәхмәт” дип җавап кайтар.

Киңәш №6. “Син монда иң акыллысымы әллә?” дип сорасалар, һич шикләнмә – “әйе” дип әйт.

Киңәш №7. Көндәшеңнең һәрбер мәгълүмат чыганагын шикләнү белән кабул ит, үзең исә акыллы кыяфәт белән төрле цитаталар куллан.

Киңәш №8. “Ай, авыр да соң шушындый кешеләр белән аралашырга” – менә дигән провокация ысулы.

Киңәш №9. Көндәшеңә аңа бөтенләй туры килмәгән кушамат тагу яки характеристика бирү аны һичшиксез чыгырыннан чыгарачак.

Киңәш №10. Шаярганда смайликлар, җәяләр куйма.

Киңәш №11. Бервакытта да үзеңә таныш булмаган кешегә “син” дип эндәшмә. Үзе шулай эндәшә икән, урынына утырт.

Киңәш №12. Көндәшең корычтай нык дәлилләр китергән очракта бер генә ысул ярдәм итәчәк: “Әйе, әйе, сез моның чыннан да шулай икәненә тәмам ышанып беткәнсез, ахры”.

Киңәш №13. Бервакытта да форумда яки шәрехләрдәге барлык кешеләр белән берьюлы бәхәсләшмә. Бик үк әһәмиятле булмаган кайбер фикерләр белән килешү белдер.

Киңәш №14. Беркайчан бирешмә! Киресенчә, дәлилләрең кими баруын тоюга көндәшеңә бирелергә тәкъдим ит.

Киңәш №15. Сүзең бөтенләй дә бетсә, җавапка көл генә – “хахахах” барлык дәлилләрне юкка чыгарачак.

Киңәш №16. Көндәшеңнең хәтта вак кына дәлиленә дә “сезне шулкадәр түбән кеше дип уйламаган идем” дип җавап бирсәң, ул сүзсез калыр.

Нравится
Комментарии (0)
Осталось символов:
Шәп укыла
  • 18 ноябрь 2019 - 17:20
    КӘЛӘПҮШЛЕ КЫЗ Бу очрашуны Сиринә күптән көткән иде. Үзе көтте, үзе курыкты. Әмма юкка дулкынланган икән. Барысы да шулчаклы гади, гадәти килеп чыкты.
    3680
    4
    35
  • 12 ноябрь 2019 - 15:42
    СИН ЕЛАМА, АБЫЙ! Җил Казанның тар урамнарыннан йөгереп үтә дә, бөтерелеп-бөтерелеп, таш диварлар арасыннан ишегалларына кереп югала. Усал җил артыннан ияреп барырга өлгерә алмагангамы, әллә шулай тиеш булгангамы – бары чүп-чар өеме генә сибелеп кала. Кайчакларда җил шулкадәр тыныч, гүя ул шәһәрнең һәр баганасын, диварын үзенчә сыйпап уза. Талгын гына искән җил назыннан иркәләнәсе, җылысын тоясы килә...
    3048
    1
    31
  • 16 ноябрь 2019 - 16:42
    ӘНИЛЕ ЙОРТТА Мин гомерем буе әниле йортта яшәргә хыялландым... Хәтерлим әле, бала чакта үзебезгә кайтырга теләмичә, гел иптәш кызларыма керү җаен эзли идем. Чакырсалар да, чакырмасалар да, мин аларга ияреп әниле йортка керә идем. Әниле йортлар якты була, нурлы, җылы була. Әниле йортларда җанны сыйпый торган, күңелгә ятышлы ниндидер аерым бер тәмле ис була...
    2593
    0
    27

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    98
    0
    0
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019