ДЕМОИМТИХАН-2019: Татарстан шәһәрләре ничек катнаша?

Техникум-көллият студентларының, җәй булуга карамастан, урак өсте дәвам итә. Хәзер алар гадәти сынаулар түгел, ә демоимтиханнар тапшыра. Казан шәһәрендә урта һөнәри уку йортлары эшчәнлегенә кереп киткән яңалык Татарстан районнарына барып җиткән. Быел аларда да WorldSkills стандартлары буенча демоимтиханнар тапшырганнар.

Республикада демоимтиханнар 1нче июньнән башланган. Сынауларның кайберләре әле кичә, 3нче июльдә генә, тәмамланган. Казандагы уку йортларыннан кала, бу сынаулар Саба, Алексеевск, Мамадыш, Сарман, Яр Чаллы, Лаеш, Бөгелмә, Түбән Кама, Буа, Тәтеш, Актаныш, Лениногорск, Әлмәт, Аксубай, Апас, Спасс, Әтнә, Зәй, Минзәлә, Нурлат көллият-техникумнарында узган.

Лениногорск студентлары ничек тапшырган?


WorldSkills стандартлары буенча имтихан Лениногорск нефть техникумында 22 июньнән алып 3нче июльгә кадәр дәвам иткән. Биредә ул “Геодезия” компетенциясе буенча узган. Анда шушы техникумнан – 26 һәм Бөгелмә машина төзелеше техникумыннан 10 студент катнашкан. Биредә студентлар командалап чыгыш ясаган. Лениногорск техникумында мондый демоимтихан былтырның апрель аенда беренче тапкыр уздырылган булган. Анда 20 кеше үзен сынаган. Ул вакытта Лениногорск һәм Бөгелмә техникумнарыннан бишәр команда чыгыш ясаган. “Геодезия” компетенциясендә 4 гади һәм 1 төп эксперт катнашкан.

Биредә шулай ук “График дизайн” компетенциясе буенча да демоимтихан узган. Анысында барлыгы 30 кеше катнашкан. Әлеге компетенциядә катнашучыларга бер төп эксперт һәм Татарстанның 6 гади эксперты бәя биргән.

– Геодезия имтиханыннан максималь рәвештә 40 балл алырга мөмкин иде. “Союз Ворлдскиллс Россия” ризалыгы белән быел биремнәрнең җиңеләйтелгән вариантларын җибәрделәр. Булачак геодезистлар кыр эшләрен башкарды, 3D-топограф программалары белән эшләде. Алар ике кешелек командаларда сынау узды. График дизайн юнәлешендә эшләрне тулысынча компьютерда эшләделәр. Студентларның барысына да бәйсез экспертлар бәя бирде, – ди Лениногорск нефть техникумының укыту-җитештерү эшләре буенча директор урынбасары Галия Мәннаф кызы Билалова.

Аның фикеренчә, имтиханның өстенлеге ягы – студентларның skills паспорт (күнекмәләр паспорты) алуында. Бу – электрон документ. Аның ярдәмендә эшкә урнашканда, эш белән тәэмин итүчеләр яшь кешенең күнекмәләре турында белә ала.

Быелның маенда уздырылган WorldSkills милли чемпионатыннан соң, ““Союз Ворлдскиллс Россия” имтихан биремнәрен бер көндә эшләргә рөхсәт биргән. Әгәр элеккегечә 100 баллык система булса, һәр студент биремнәрне өч көндә эшләр иде. Шуңа да быел 100 балл урынына максималь рәвештә 40 балл алып булган. Лениногорск техникумы базасында оештырылган бу сынауны укучылар 35-39 баллга тапшырганнар. Әлбәттә, мондый сынауга әзерлек та таләп ителә. Аның биремнәрен, бер көндә күреп кенә, тапшырып булмый шул. Әлегә демоимтиханда алынган билгеләр студентның дипломына да “менеп кунакламый”, беркайда да урын алмый икән.


Әлмәттә ничек?


Әлмәт политехника техникумында 3нче курс студентлары “Җиңел автомобильләрне төзекләндерү һәм аларга хезмәт күрсәтү”,  “Кирпечтән стена өю” компетенциясендә демоимтихан тапшырган. Студентлар биремнәрне имтихан тапшыра торган көнне генә белеп ала икән. “Кирпечтән стена өю” компетенциясендә 2 июль көнне 8 кеше “Мастерок” дигән эшне башкарган, ә 3 июльдә тагын 8 кеше – “Квадрат” дигәнен. “Мастерок”та кирпечтән стена өйгәндә, рәсемнәр ясап, кирпечне кисәргә таләп ителгән. Ә “Квадрат” дигәне бераз гадирәк булган.



Таләпләр буенча, демоимтихан – ирекле процедура. Әлбәттә, без аны тапшырыр өчен иң яхшы студентларны сайлап алабыз. Бу яшьләрне алда әле тагын бер уку елы көтә. Тик демоимтихан уку планы буенча 3нче курс ахырында, “Эшче профессия буенча эш башкару” модулен тәмамланганда, уздырыла. Әлеге имтиханга федераль эксперт Вологдадан ук җәлеп ителде. Моңа кадәр шушындый яхшы дәрәҗәдәге имтиханында әле беренче тапкыр булуы икән аның, – дип аңлата Әлмәт политехника техникумының укыту-җитештерү эшләре буенча директор урынбасары Раилә Сабирҗан кызы Измайлова.

Имтихан ярыш форматында уздырыла, шуңа студентларның үз эшләрен яхшырак башкарасы килә икән. Әлмәт техниумында дөнья стандартлары буенча мондый имтихан беренче тапкыр уздырылган. Беренче көнне ул – 8, икенче көнне 6 сәгать дәвам иткән.

Сынау уздырыла торган кабинетка аяк басканчы, студентларга шактый тырышырга туры килә. Практика вакытында күнекмәләр уздырыла, аннары укудан тыш вакытта да демоимтиханга әзерләнәләр икән. Техникумда студентларны укытучы-эксперт Лилия Әбүзәр кызы Шәфыйкова, җитештерү юнәлешендә укытучы мастеры Наталья Дамир кызы Абакумова әзеләгән.


Алинә МИННЕВӘЛИЕВА

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1951
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019