ЧИТ ТЕЛДӘН БДИ: ИНГЛИЗ ТЕЛЕ - ТӨШЛӘРЕМДӘ...

2020 ЕЛДАН МӘКТӘПЛӘРДӘ ТАГЫН БЕР ТӨП ДӘҮЛӘТ ИМТИХАНЫ КЕРТЕЛӘ. УКУЧЫЛАР ЧИТ ТЕЛ ТАПШЫРЫРГА ТИЕШ БУЛАЧАК. ФИКЕРЛӘР ИКЕГӘ БҮЛЕНДЕ.

Берәүләр инглиз телен БДИ исемлегенә кертүгә каршы. Икенчеләр исә, киресенчә, чит телдән БДИ тапшыруны хуплый. Без үзебез дә - икенчеләр исемлегендә. Безнең уебызча, замана яшьләре күп телләр белергә тиеш. Күбрәк тел белгән саен кешенең карьерасын һәм тормышын уңышлы итеп кору перспективасы арта. Укуын тәмамлагач, ул яхшы ВУЗны сайлый алачак, эш сайлаганда да мөмкинлекләре күбрәк булачак, хәтта чит илдә дә эшли алачак. Ә чит милләт вәкилләре белән тыгыз аралашу аның өчен офыкларны киңәйтәчәк.

Без, нигездә, сүзне инглиз теле турында алып барачакбыз. Чөнки ул - иң күп өйрәнелә торган тел. Чит телдән имтихан тапшыру кешеләрнең инглиз теленә мөнәсәбәтен дә үзгәртәчәк, дип уйлыйбыз без. Укытучылар әйбәтрәк (тырышыбрак) укыта башлаячак, балалар да инглиз телен өйрәнүгә җитдирәк карый башлаячак.

Чит телдән БДИ тапшыруга "каршы"лар һәм "риза"ларның исәбен белер өчен сораштыру уздырып карарга булдык. 115 кешегә мөрәҗәгать иттек. Сораштыру нәтиҗәләре мондый: 63 % - "каршы", 37 %  - "риза”.

Димәк, күпчелек бу имтиханны кертүгә каршы булып чыга. Ә хәзер фикерләргә тукталыйк.

Алсу Әшрапова, Казан Федераль университетында инглиз теле укыта (укыту стажы 15 ел): Инглиз телен төп имтиханнар исемлегенә кертүләрен хуплыйм. Минемчә, һәр укучы бу телне камил белергә тиеш. Бүгенге көндә Англиядә, Америкада, Канадада, Австралиядә һәм башка инглиз телле илләрдә татар әсәрләрен укырга тиешләр. Ә моның өчен татар әсәрләренең яхшы тәрҗемәсе булырга тиеш. Моны безгә берәү дә килеп эшләп бирмәячәк. Үзебезнең балалар тәрҗемә итәргә тиеш аларны. Чөнки нәкъ менә алар гына үзебезнең гореф-гадәтләрне, йола-традицияләрне дөрес итеп җиткерә алачак. Читтәге кеше бит аларны белми, һәм тәрҗемәдә җитешсезлекләр китәргә мөмкин. Инглиз телен өйрәнү русларга караганда татар балаларына җайлырак, чөнки татар һәм инглиз телләре фонетика, җөмлә төзелеше буенча охшаш. Балалар бу телне өйрәнүне үзләренә максат итеп куйсыннар иде!

Венера Ибраһимова, 9 сыйныф укучысының әнисе (Зәй): Минемчә, инглиз теле тормышта һәрвакыт кирәк. Хәзерге көндә күпчелек абруйлы эшләргә урнашканда инглиз телен белү таләп ителә. Дөнья буйлап сәяхәт итәргә дә кирәк бу тел. Үз илеңнең тарихы, мәдәнияте турында башка милләт вәкилләренә сөйләр өчен дә ярап куячак. Хәзер дөнья ачык, ә чит телләрне күбрәк белгән саен мөмкинлекләрең дә арта гына бара. Мин чит телдән имтиханны зарури имтиханнар исемлегенә кертү яклы.

Руфина Самикаева, 11 сыйныф укучысы (Яр Чаллы): Бу имтихан безгә күп кыенлык китерәчәк, чөнки мәктәпләребездә инглиз телен сыйфатлы дәрәҗәдә укытмыйлар. Инглиз теле укытучылары да җитеп бетми. Инглиз телен әйбәтләп үзләштерер өчен сөйләм практикасы да кирәк бит әле. Ә бездә андый мөмкинлек юк. Күп кеше бу имтиханны тапшыра аламаячак! Инглиз теле төшләргә генә керәчәк... Тиешле дәрәҗәдә өйрәтә алсалар гына кертергә тиешләр бу имтиханны!

Ләйсән Заһидуллина, 10 сыйныф укучысы (Казан): Мин риза түгел! Кайбер укучылар рус телен дә тапшыра алмады, ә монда тагын инглиз телен дә кертмәкче булалар. Кеше башта туган телен әйбәтләп өйрәнергә тиеш, соңыннан инде, үзе сайласа һәм теләсә генә, чит телләрне дә өйрәнә ала.

Гүзәл Сабирҗанова, 10 сыйныф укучысы (Чүпрәле): Инглиз теленнән БДИ кертүгә мин каршы түгел. Күпчелек мәктәпләрдә бу телне башлангыч сыйныфларда ук өйрәнәләр һәм телне тиешле дәрәҗәдә өйрәнү бер дә булдыра алмаслык эш түгел.

Без ВКонтактеда сораштыру да уздырырдык. Өлкәннәр ни уйлый бу турыда? Укучылар үзләре? Өлкәннәрнең күпчелеге - "каршы”. Яшьрәкләрнең күбесе чит телдән имтихан тапшыру яклы. Әмма "каршы"лар арасында яшьләр, укучылар да бар. Боларның күпчелеге – шул елны чит телдән БДИ тапшырырга тиеш булачак укучылар.

P.S. Без инглиз телен БДИ исемлегенә кертүне, инде әйткәнебезчә, хуплыйбыз. Бу карашта торучыларның шактый күп булуы ачыкланды. Димәк, курыкмыйча, без бу имтиханга әзер дияргә була!
ЧИТ ТЕЛНЕ НИЧЕК ЯХШЫРАК БЕЛЕРГӘ?



  1. Инглиз теле дәресләренә гел зур теләк һәм максат куеп йөр.



  2. Атнаның бер көнендә гел инглиз телендә генә сөйләш!



  3. Мәктәбегездә инглиз телен яхшы өйрәтмиләр икән, икенче мәктәпкә күч. Курыкма!



  4. Skype аша чит ил кешеләре белән еш аралаш.



  5. Инглиз телендә кинолар кара, китаплар укы.



Уңышлар сезгә!


Алсу Ибраһимова
Ралина Галлимова

Нравится
Комментарии (0)
Осталось символов:
Шәп укыла
  • 21 август 2019 - 15:57
    МИНЕМ ЯНГА АТЛАР КИЛДЕ... Бүген таң белән Салпар авылында берсеннән-берсе шомлырак ике хәбәр таралды. Буран котырган бу төндә, ферма стеналарын җимереп, колхозның иң хәлле биш атын урлап киткәннәр. Халидә белән Зәкәриянең кече уллары уеннан кермәгән. Урам очында яшәүче Матур апасында да кунмаган, күршедәге дус малае Рөстәмдә дә табылмаган...
    42
    0
    0
  • 22 август 2019 - 16:22
    УЕН (АНТИХИКӘЯ) – ГАЛИМҖАН ГЫЙЛЬМАНОВ Кафе. Ишектән тәкәббер генә бер чибәркәй килеп керде. Залга үтешли, янәшәдәге өстәл артында моңаеп утыручы егеткә күз сирпеп алды. Әллә исәнләште дә инде?
    28
    0
    0
  • 6 август 2019 - 09:47
    «ЯНЫМДАГЫ КОЯШЫМНЫ ҖИБӘРГӘНМЕН...» – ЗӘРИНӘ ХУҖИНА ***
    Ә гомерләр үтте китте,
    Ә син китмәдең һаман.
    Калбемнең иң тирәнендә
    Күмелеп калдың бер заман.
    Ул көнне әле хәтерлим,
    Түп-түгәрәк ай яна.
    Гитарада уйныйсың син,
    Тыңлатып җырлар яңа.
    Яңа җы...
    18
    0
    0
  • 20 август 2019 - 21:30
    ТУГАН КӨНСЕЗ МАЛАЙ (ГАЛИМҖАН ГЫЙЛЬМАНОВ) Бу ятимнәр йортында әнисез яки әтисез балалар күп. Әтисез-әнисез балалар да бар. Кайберләренең әти-әнисе генә түгел, әби-бабасы, туган-тумачасы да юк. Анысы гына нәрсә... Айдарның туган көне дә юк хәтта. Барлыкка бар, тик дүрт елга бер генә килә. 29 нчы февраль көнне туган шул ул, кәбисә елны. Шуңа күрә, бер мәртәбә үткәрә дә өч ел рәттән туган көнсез, бәйрәмсез яши. Бу балалар йортына килгәч, ул әле бер дә үткәрмәде туган көнен.
    16
    0
    0
  • 25 июль 2019 - 12:01
    Аш-су блогеры Рәфилә Шәмсетдиновадан рецепт: КАЙМАК ҺӘМ ЧИЯЛЕ ТАРТ! Дуслар! Ә сез ашарга пешерергә яратасызмы? Димәк, безнең яңа рубрика сезнең өчен. Биредә күпләргә таныш блогер, Instagram челтәрендә татарча популяр аш-су блогы алып баручы Рәфилә Шәмсетдинова сезне б...
    13
    0
    0
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    9
    0
    0
  • 12 август 2019 - 11:51
    ХАЛЫКАРА ЯШЬЛЕК КӨНЕ! Яшьлек, гомрең кыска синең, шундый кыска булып тоела... Бүген халыкара яшьлек көне! Кеше гомеренең иң гүзәл, хисләр белән кайнап торган, әкияти матур чагы! Ә яшьлек турында шагыйрьләрдән дә матуррак и...
    8
    0
    0
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019