“БАШТА АГУЛАДЫЛАР, ХӘЗЕР КЕРТМИЛӘР” – АТА-АНАЛАР РИЗА ТҮГЕЛ!

Хәтерләсәгез, узган атнада Кырымдагы “Лучистый” лагерендә Татарстаннан 51 бала һәм 5 әйдаман агуланып, хастаханәгә эләккән иде. Башта җитәкчеләр: “балалар хастаханәдән чыккач, лагерьда ял итүләрен дәвам иттерәчәкләр”, - дип ышандырса да, шимбә көнне лагерьнең хастаханәдән чыккан балаларны яңадан кабул итүдән баш тартуы билгеле булды...

Бу турыда үзенең Instagram челтәрендә Татарстанның яшьләр эшләре министры Дамир Фәттәхов хәбәр итте.

– Кызганыч, Кырымда агуланган балалар кире Татарстанга кайтачаклар. “Лучистый” лагере аларны кабул итүдән баш тартты. Лагерь җитәкчелеге фикеренчә, нотовирусның инкубацион периоды әле тәмамланмаган. Бу исә яңа гына тернәкләнеп килүче балалар әлеге инфекцияне башкаларга да йоктырырга мөмкин дигән сүз, - дип язган иде министр.

“БУ МИНЕМ ӨЧЕН ИҢ НАЧАР ЯЛЛАРНЫҢ БЕРСЕ”


Ул лагерьда кулланылмый калган көннәр өчен әти-әниләргә акчаларын кире кайтарачаклар, дип сүз бирде. Нотовирустан зыян күргән балалар өчен ялның башка альтернатив вариантлары да тәкъдим ителәчәк, дип хәбәр ителде. Ә бу кечкенә сумма түгел. Кайбер мәгълүматларга караганда, ата-аналар балаларын әлеге ял йортына җибәрү өчен 36 мең сумга якын акча түләгән.

Тик ата-аналар мондый җавап көтмәгәннәр иде булса кирәк. Лагерьның әлеге карары аларның күбесен чын мәгънәсендә борчуга салган. Дамир Фәттаховның бу посты астында нәфрәтле комментарийлар нәкъ менә шул турыда сөйли. Алар беравыздан диярлек балаларының диңгез ярыннан кайтып китәселәре килмәү турында хәбәр итә...

– Балаларны вакытыннан алда Казанга кайтаралар. Аларны лагерьга кертмәүләре аңлашылмый. Улым бик тә борчылган. “Бу – минем өчен иң начар ялларның берсе” - ди, - дип яза бер бала әнисе.

Татьяна исемле ханым исә кызының инде өч көн буе хастаханәдә ятуы турында хәбәр итә. Аның сүзләренчә, кызы әлеге лагерьдан бик канәгать булган. Хастаханәдән лагерьга кайтарырлар дип көткән. Тик, кызганыч, аларны кертмәгәннәр...

– Бу лагерьны “кара исемлек”кә кертергә кирәк. Балаларны агуладылар, хәзер вакытыннан алда кайтарып та җибәрәләр. Алар бит - балалар. Сабыйлар өлкәннәрнең хилафлыгы нәтиҗәсендә зыян күрергә тиеш түгел, - дип яза икенче бер интернет кулланучы.

“ДИҢГЕЗДӘ КАЛАСЫ КИЛӘ”


Әлеге лагерьда ял итүчеләр арасында йолдызлы гаилә Булат Бәйрәмов һәм Ләйсән Гыймаеваның уртанчы кызлары да булган. Алар шулай ук лагерьның бу карарыннан риза түгел.


– Атна буена җыелды. Эндәшмичә калып булмады. Безнең балаларның хәлләре ике-өч көннән яхшырды, ләкин... аларны хәзер хастаханәдән чыгармыйлар. Бүген исә тагын бер яңалык турында белдек - “Лучистый” лагере җитәкчелеге балаларны яңадан лагерьга кабул итмәячәк икән... Без, ата-аналар уйлавынча, балаларны лагерьга кертмәячәкләре алдан ук билгеле булган. Сораулар туа: ни өчен алайса Казанга кайтуны алданрак оештырмаганнар? Терелгән балаларны ни өчен лагерьга кабул итмиләр? Алар көн дә елап әти-әниләренә шалтырата. “Без терелдек”, “без сәламәт”, “яңадан лагерьга барасыбыз килә”, диләр... - дип язган үзенең Instagram дагы битендә Ләйсән Гыймаева.

Татарстанның Яшьләр эшләре министрлыгы ата-аналарны тынычландырырга ашыга:

– Һәр балага ялның башка варианты тәкъдим ителәчәк. Безгә балаларның куркынычсызлыгын тәэмин итү һәм алдагы стрессларны булдырмый калу мөһим. Шуңа күрә аларны Татарстанга кайтару карары кабул ителде. Әлбәттә, беренче чиратка балалар мәнфәгатьләрен куябыз, - дип ассызыклыйлар җаваплы министрлыкта.

Кичә Татарстан балалары, ниһаять, исән-сау Казанга әйләнеп кайттылар. Аларны ялларын дәвам иттерү өчен Татарстанның башка лагерьларына җибәрерләрме-юкмы -  анысын инде һәр әти-әни үзе хәл итәчәк.

Рәмзия ЗАКИРОВА



Бу темага тагын язмалар:


КЫРЫМДА ТАТАРСТАН БАЛАЛАРЫ АГУЛАНГАН


“ЛУЧИСТЫЙ” ЛАГЕРЕ: БАЛАЛАР КИРЕ КАЙТА

Нравится
Комментарии (0)
Осталось символов:
Шәп укыла
  • 21 август 2019 - 15:57
    МИНЕМ ЯНГА АТЛАР КИЛДЕ... Бүген таң белән Салпар авылында берсеннән-берсе шомлырак ике хәбәр таралды. Буран котырган бу төндә, ферма стеналарын җимереп, колхозның иң хәлле биш атын урлап киткәннәр. Халидә белән Зәкәриянең кече уллары уеннан кермәгән. Урам очында яшәүче Матур апасында да кунмаган, күршедәге дус малае Рөстәмдә дә табылмаган...
    65
    0
    0
  • 22 август 2019 - 16:22
    УЕН (АНТИХИКӘЯ) – ГАЛИМҖАН ГЫЙЛЬМАНОВ Кафе. Ишектән тәкәббер генә бер чибәркәй килеп керде. Залга үтешли, янәшәдәге өстәл артында моңаеп утыручы егеткә күз сирпеп алды. Әллә исәнләште дә инде?
    43
    0
    0
  • 20 август 2019 - 21:30
    ТУГАН КӨНСЕЗ МАЛАЙ (ГАЛИМҖАН ГЫЙЛЬМАНОВ) Бу ятимнәр йортында әнисез яки әтисез балалар күп. Әтисез-әнисез балалар да бар. Кайберләренең әти-әнисе генә түгел, әби-бабасы, туган-тумачасы да юк. Анысы гына нәрсә... Айдарның туган көне дә юк хәтта. Барлыкка бар, тик дүрт елга бер генә килә. 29 нчы февраль көнне туган шул ул, кәбисә елны. Шуңа күрә, бер мәртәбә үткәрә дә өч ел рәттән туган көнсез, бәйрәмсез яши. Бу балалар йортына килгәч, ул әле бер дә үткәрмәде туган көнен.
    25
    0
    0
  • 6 август 2019 - 09:47
    «ЯНЫМДАГЫ КОЯШЫМНЫ ҖИБӘРГӘНМЕН...» – ЗӘРИНӘ ХУҖИНА ***
    Ә гомерләр үтте китте,
    Ә син китмәдең һаман.
    Калбемнең иң тирәнендә
    Күмелеп калдың бер заман.
    Ул көнне әле хәтерлим,
    Түп-түгәрәк ай яна.
    Гитарада уйныйсың син,
    Тыңлатып җырлар яңа.
    Яңа җы...
    22
    0
    0
  • 16 август 2019 - 13:38
    ФӘНИС ЯРУЛЛИН ШИГЫРЬЛӘРЕ Безнең сөю яшерен хәзинәдәй Тирән казып җиргә күмелгән. Белмәсеннәр өчен өсләренә Тигез итеп туфрак сибелгән. һәм белмәс тә аны һичбер кеше, Ул күмелгән шундый тирәнгә. Өсләрендә уйный бала-чага Ауный-ауный яшел чирәмдә.
    17
    0
    0
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    11
    0
    0
  • 12 август 2019 - 11:51
    ХАЛЫКАРА ЯШЬЛЕК КӨНЕ! Яшьлек, гомрең кыска синең, шундый кыска булып тоела... Бүген халыкара яшьлек көне! Кеше гомеренең иң гүзәл, хисләр белән кайнап торган, әкияти матур чагы! Ә яшьлек турында шагыйрьләрдән дә матуррак и...
    13
    0
    0
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019