26 июль көнне StandUp Club Kazan мәйданчыгы янә юмор сөюче татарларны үзенә җыйды. Биредә «Шалт, Мөхәммәтҗан!» тапшыруының чираттагы өч чыгарылышы төшерелде. Искәртеп узабыз, әлеге татар телле бәйге кысаларында катнашучылар стендап, миниатюра, импровизация жанрларында 10 000 сумлык бүләк өчен көч сынаша! Проектны исә "Әйдә ШаяРТ" Татар лигасының оештыручылары тәкъдим итә. «Шалт, Мөхәммәтҗан»да катнашучылар арасында шулай ук татарча юмор дөньясында күпләргә таныш исемнәр дә яңгырады. Әйтик, Артур Сабиров, «Майлы» төркеме, Ленар Мамадыш Галәү, Ләйлә Лерон, Лия Моррис... Яңа исемнәр дә бар икәнен ассызыклап узарга кирәк: Руслан Матай, Айназ Абдуллин һ.б. Тулырак әлеге проект һәм, гомумән, татар юморы хакында журналның сентябрь санында укый алачаксыз. Шулай ук TMTV телеканалы аша әлеге тапшыруны карарга онытмагыз!

27-29 июль көннәрендә Кукмара районы «Лубян урман-техник көллияте»  базасында мәктәп урманчылыкларының V «Цифрлы урман» слёты узды. Чара мәктәп урманчылыклары хәрәкәтен үстерү программасы һәм Татарстан Республикасында цифрлаштыру елы кысаларында үткәрелде. Анда 31 мәктәп урманчылыгыннан 93 кеше катнашты, ә барлыгы форум 200дән артык кешене үзенә җыйды. Бу елгы слётның үзенчәлеге – барлык практик биремнәрнең дә диярлек цифрлы форматка күчерелүе.

2 августтан 14 августка кадәр Казанда «Тормыш стиле – мәдәни код» II Халык иҗаты һәм декоратив-гамәли сәнгать Этно-fashion фестивале узачак. Фестивальдә Россиянең барлык төбәкләреннән, шулай ук БДБ һәм Азиянең 6 иленнән дизайнерлар, рәссамнар, модельерлар, иҗат берләшмәләре катнашачак. Шәһәр халкын һәм кунакларын күп кенә остаханәләр, күргәзмәләр, ярминкә һәм мода күрсәтүләр көтә.

Кичә Биләрдә XI Халыкара «Cәләт» яшьләр уку-укыту форумының дүртенче сменасы – Медиа Биләр Форум (Медиа /Media) тәмамланды.

«Свияжские холмы» спорт-сәламәтләндерү комплексында халыкара Президент академиясенең Җәйге кампусы тәмамланды. Ул ике атнага дөньяның 200дән артык сәләтле студентын берләштерде.

«Глаголица» IX халыкара әдәби премиясе яшь язучыларны һәм шагыйрьләрне төп приз өчен көрәшергә чакыра. Әлеге бәйге – 10-17 яшьлек яшүсмерләргә рус һәм татар телләрендә теләсә нинди жанр һәм форматта иҗат итү һәм үз-үзеңне күрсәтү өчен шәп мөмкинлек. Биредә катнашу бушлай.

27 нче июль 18.00дә Бауман урамында («Ногай» кунакханәсе янында) татар халык биюе буенча дәрес үтәчәк. Чараны Казан Мэриясе оештыра. Әлеге остаханә – паркларда һәм скверларда уза торган «Хәрәкәттә – бәрәкәт» проектының быел дүртенче дәресе.

Сез дә кайвакыт иртәләрен үзегезне таный алмыйсызмы ул? Бу проблема яшькә бәйле түгел, ул 18дә дә, 30да да борчырга мөмкин. Һәр иртә кинодагы кебек уянырга теләсәң, берничә файдалы лайфхакны тот!

Казанда 30 июльдән 3 августка кадәр Бөтендөнья татар конгрессының VIII съезды узачак.

Республика Яшьләр хөкүмәтенең яңа составы өчен гаризалар кабул итү кампаниясе дәвам итә. Анда 20 яшьтән алып 35 яшькә кадәрге яшьләр оешмалары һәм берләшмәләре җитәкчеләре һәм әгъзалары, үз-үзләрен тәкъдим итүче яшьләр катнаша ала. Гаризалар кампаниясе 27 июльгә кадәр дәвам итә.

«Сәләт» форумы экваторын узды һәм кичә дүртенче смена - Медиа Биләр Форум (Медиа /Media) старт алды. Ул 26 июльгә кадәр дәвам итәчәк.

Тәм-томнар яратучылар өчен шәп яңалык бар! 30, 31 июль көннәрендә Казанның Горький исемендәге паркында дүртенче тапкыр туңдырма фестивале уздырыла.

19 июль көнне Фәннәр Академиясе бинасында демография сәясәтенә багышланган дискуссион панель узды. Әлеге чарада юнәлешнең белгечләре, иҗтимагый палата әгъгазалары һәм төрле иҗтимагый оешма җитәкчеләре катнашты.

Цифрлаштыру елы кысаларында җәй айларында зур чаралар үткәреләчәк. Инде берничә көннән, 23 июльдә, УРАМ экстрим-паркында «Цифровиада» спорт-күңел ачу ИТ-фестивале уза. Программада спорт ярышлары, ВМХ буенча чыгышлар, лекторийлар, уен зонасы, музыкаль төркемнәр, бию чыгышлары һәм башка бик күп әйберләр булачак. Фестивальнең спорт өлешенә стритбол, пляж волейболы һәм мини-футбол буенча турнирлар, самокат буенча остаханә, йога, зумба һәм хәтта Yaratam Chess шахмат клубыннан турнир кергән.  

Цифрлаштыру елында мәктәп укучылары, көллият һәм техникум студентлары өчен «Белем җәе» дигән бушлай цифрлы контент булдырылды. Анда балалар өчен 100ләп бушлай материал әзерләнгән, укыту интерактив һәм уенлы рәвештә үтә. Бу проект кысаларында укучылар мөстәкыйль рәвештә ТДИ, БДИ һәм олимпиадаларга әзерләнә алачак.