«ЕГЕТ МИНЕМ ӨЧЕН ТҮЛӘМИ...»

«Егетем белән йә концертка, йә берәр кафега баргалыйбыз. Үземә һәрчак үз кесәмнән түлим. Ә дус кызларымның егетләре икесе өчен дә түли икән. «Башкаларныкы түләгәч, ник минеке дә түләми?» дигән уй баштан китми. Шул ук вакытта «Ник әле ул минем өчен түләргә тиеш?» дип тә уйлыйм. Ә ничек соң дөресрәк?»

Аноним, 18 яшь




Илгиз Шәкүров, студент, журналист:

Һәр очракта да егет кеше түләргә тиеш, бу бит – элементар әйбер, син кечкенәдән үк белеп, аңлап үсәргә тиешле кагыйдә. Әниеңме, апаңмы, сеңлеңме, очрашып йөргән кызыңмы, берничә көн элек кенә танышкан яңа дустыңмы, егет кеше түләсә, дөресрәк буладыр дип саныйм. Әмма бүгенге көндә күпчелек кызлар үзләре өчен түләгәнне яратмый. «Мин көчле һәм бәйсез», – дип йөриләр бит инде алар (көлә). «Мин үзем түлим», – дигән кызлар да бар. Без төркемдә 2 генә егет, бөтенебез бергә берәр җиргә барсак, мин кызлар өчен түләргә тырышам. Элек карышып маташсалар да, хәзер килештеләр инде.

Гөлназ Гатина, «Татар кызы-2017» бәйгесе җиңүчесе, студент:

Без егетнең кыз өчен түләвен гадәти хәл итеп кабул итәргә өйрәнгән. Икенче яктан, сорау биргән кыз әйтмешли, «ни өчен әле ул түләргә тиеш»? Бәлки, ул егет әле үзе акча эшләми, ә әти-әнисеннән аладыр? Бу очракта, әти-әнисе аңа ниндидер чикләү куймаса да, аңа алар алдында уңайсыздыр.
Тик, ни генә булмасын, әгәр егет кыз кеше белән очраша икән, бу мәсьәләгә карата игътибарлы булырга тиеш дип саныйм. Һәрхәлдә, йөргән кызын хөрмәт иткән тәрбияле егет: «Үзең түлә әле», – дип әйтмәячәк. Бу очракта егетнең фикерен белсәң яхшы булачак.

Алсу Талибуллина-Фролова, психолог:

Мәхәббәт мәсьәләсендә дә, акча мәсьәләсендә дә һәркемнең үз фикере һәм карашы бар. Кемне ничек тәрбияләгәннәр бит. Берәүләр һәркем үзе өчен түләргә тиеш дип саный, кайбер ир-ат җаваплылыкны үз өстенә алып, сөйгән ярын артык мәшәкатьләрдән сакларга тели.
Шулай ук монда тагын бер проблема барлыкка килә: ул егет үзе акча эшлиме яки әлегә әти-әни акчасына яшиме? Әгәр дә инде үзе эшләп тапса, бәлки, ул акчаны үз иркендә тотар иде. Ә менә әти-әнидән алган акчага башка төрле караш булырга мөмкин.
Әлеге ситуациядә проблеманы бергәләп хәл итәргә киңәш итәм. Эчтән генә төрле уйлар белән янып-көеп йөргәнче, икәүләп сөйләшегез, һәркем бу мәсьәләдә үз карашын әйтсен. Бәлки, икегезне дә канәгатьләндерерлек уртак нәтиҗәгә килерсез һәм аңлашылмаучылыклардан котылырсыз.

Дустым, әгәр күңелеңә тынгылык бирмәгән сорауларың булса, аларны yalkin@bk.ru адресы буенча аноним рәвештә юллый аласың. Без аларга бергәләп җавап табарга тырышырбыз!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (1)
Осталось символов:
  • 26 август 2019 - 17:10
    Без имени
    Тиеш дигэн сузне онытыгыз эле кызлар)))
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2690
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    951
    0
    3
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    793
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019