8 октябрь 2019 яңалыклары

Шушы көннәрдә Казан үзәгендә студентлар өчен махсус хәләл кафе ачылачак. “Бәяләр һәр студент өчен кулай булачак”, - дип ышандыралар биредә.

Чебешләрне көз көне санаган кебек, җәйге сәламәтләндерү кампаниясенә да көзен нәтиҗә ясыйлар. Җәйге каникуллар дәвамында Татарстанның 179 026 баласы өчен ял оештырылган. Бүген республиканың Яшьләр эшләре министрлыгы да бу юнәлештә башкарган эшенә йомгак ясады.

Илгиз белән Сәрия гаийләсенә олы кайгы килде. 25 яшьлек уллары Самат фаҗигале рәвештә һәләк булды. Улларын күмгәч, Илгиз зираттан өйләренә кайтмады. Беркемгә берни аңлатыйча, шәһәрдән артык ерак булмаган бакчасына китте. Анда төзи башлаган йортлары яшәрлек булмаганлыктан, мунчаның алгы өлешен торырга җайлаштырып, шунда яши башлады.

Киләсе дүшәмбедән, 14 октябрьдән, иртән торгач, телевизор күрсәтми башлаячак. Бу аналог эфир телевидениесен караучыларга кагыла. Моңа аптырарга кирәкми: ул бары тик бөтен Россия буенча цифрлы телевидениегә күчү дигәнне аңлата. Бу адым илдә телевидениенең дөрес контентын булдыру өчен эшләнелә.

Ниткән toxic, анысы кем инде тагы, дип уйлыйсыңмы? Үзем дә шулай дим, чын. Үз телебездә дә бар бит инде ул сүз, име? Утырган булам инде шуна, кыланып, toxic, имеш. Ярар, әйтсәм-әйтим инде, текәрәк баш исем куясы килде инде, шуңа әллә ниләр уйлап чыгарып утырам...