«NAURUZ SCHOOL» ТӘМАМ: ДӘВАМЫ БУЛЫРМЫ? (ФОТО)

Беренче карлыгач кына булса да, шактый биеккә оча алды ул. Сүзем “Nauruz school” студент спектакльләренең халыкара фестивале турында. Әлеге чара Төрки халыкларның XIV «Нәүрүз» халыкара театр фестивале дәвамчысы булды.


Фестивальнең соңгы көннәрендә Т. Жургенов исемендәге Казах милли сәнгать академиясе студентлары «Карагоз» спектаклен тәкъдим итте. Мохтар Ауэзовның «Карагоз» пьесасы – казах әдәбиятының йөзек кашы санала. Биредә вакыйгалар мәхәббәт өчпочмагына бәйле. Аның һәркем белән дә булуы ихтимал. Авылның иң гүзәл кызына ирекле акынны яратырга рөхсәт бирмиләр. Чөнки аларның икесендә дә бер үк кан ага: Карагоз белән Сырым – бер нәселдән. Кызны башкага кияүгә бирәләр. Ләкин бер-берсен яраткан ике йөрәк, юллары аерылгач, иске традицияләргә буйсынырга мәҗбүр була. Тик көчле хисне читлеккә бикләп куеп булмый, ул барыбер талпынып чыгар җай эзли. Тик, ни кызганыч, Карагознең юлы күңелсез тәмамлана.



Казан дәүләт мәдәният институты студентлары «Парковка» (авторы Сөмбел Гаффарова) спектаклен тәкъдим итте. Укучыларның остазлары – Фәрит Бикчәнтәев. Театр тәнкыйтьчесе Нияз Игъламов фикеренчә, әлеге курс бик җитди, спектакль героинясы да лидер. «Үткен, заманча театр теле кайбер урыннарда аз аңлаешлы булган проблематиканы башка экзистенциаль дәрәҗәгә күтәргән. Кайбер күренешләр апокалипсис алдыннан булган кебек яңгырый», – ди тәнкыйтьче.



Фестивальнең соңгы көнендә Казан театр училищесы студентлары «41-нең арбалы хатыннары» спектаклен тәкъдим итте. Курсның остазы, постановканы сәхнәгә куючы – Татарстанның халык, Россиянең атказанган артисты Илдар Хәйруллин.



Театр училищесы студенты, баш рольне башкаручы Наилә Ханнановага спектакльда уйнау авыр бирелгән. «Без психофизика, психологик яшебез юнәлешендә эшләдек. Чөнки безгә бер яшьтән икенче яшькә күчәргә кирәк иде. Бу һәрберебез өчен психологик яктан бик зур үзгәреш кичерү булды. Спектакль дә физик гамәлләргә түгел, ә психологик аспектка нигезләнде», – ди ул.


Шулай итеп, «Nauruz school» фестивале тәмам. Тик шуңа да карамастан, оештыручылар тарафыннан да, катнашучылар ягыннан да бу фестивальне дәвамлы итү теләге бар.


Алинә МИННЕВӘЛИЕВА


Фотолар фестивальнең матбугат хезмәтеннән алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3337
    0
    30
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3007
    0
    32
  • 12 март 2020 - 15:16
    ИЗГЕЛЕК ОРЛЫГЫ Хатын үзен аптыраткан сорауны егеткә бирде: “Улым, танымыйм бит әле мин сине. Кем буласың соң?”.  Кыска кара чәчле,  көчле, матур гәүдәсенә килешле кием кигән ят егет юлдан күзен аермыйча гына кара күзлеген салды да, Саҗидәгә карап елмайды: “Ә болай таныйсыңмы, Саҗидә апа?”. Хатын, нинди генә сабыр холыклы булмасын, гаҗәпләнүеннән чак кычкырып җибәрмәде: “Рәфил балакаем, синме? Кит лә, булмас!”.
    2955
    1
    70

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019