«СӘЙЛӘН» ФЕСТИВАЛЕ ҖЫР ДӨНЬЯСЫН АЧА!

«ШАЯН ТВ» каналында бара торган «Сәйлән» телевизион музыкаль проекты балалар өчен яңа дөньяны ача! Татар музыкасы дөньясын!

Бу дөньяда сүзләр артык кебек. Татар халкына гына хас гаҗәеп моң безне ял да иттерә, дәртләндерә дә, уйландыра да. Проектта катнашучылар жюри әгъзаларына да, тамашачыларга да шушы хисләрне тоеп карау мөмкинлеген тудыра.

6 октябрь көнне «ШАЯН ТВ» каналында «Сәйлән» фестиваленең премьерасы башланды. Беренче көнне уналты катнашучының сигезе үз репертуарларындагы иң матур җырларын башкарды. Яшь башкаручыларның һәркайсы сәләтле, җырдан тыш та бик күп талантлары бар! Барысы да жюри әйткән сүзләрне, алар биргән бәяне игътибар белән тыңлап бара. Димәк, фестивальнең максаты да югары дәрәҗәдә тормышка ашырыла: халкыбызның иң моңлы җырлары бөтен дөньяга таныла, ә сәләтле балаларга иҗади үсеш мөмкинлеге булдырыла, дигән сүз. Алар җырлап кына калмый, проект кысаларында катнашучылар өчен төрле мастер-класслар да уза. Вокал, актерлык осталыгы, сәхнәдә үз-үзеңне тоту, матур итеп киенү буенча осталыкларын арттырды инде.

Һәр якшәмбе «ШАЯН ТВ» каналында «Сәйлән» фестиваленең яңа чыгарылышын карап, үзегезгә ошаган яшь җырчы өчен җан ата аласыз. Бәлки кушылып та җырларсыз! Кемдер җырлый белмәскә дә мөмкин, әмма моң һәркайсыбызның күңелендә яши! Ул һәркайда да бар! Хәтта яңгыр яуганда да, язгы җылы җил искәндә дә, аяк астындагы яфрак шыгырдаганда да көй ишетелә. Ә «Сәйлән» проектындагы иң матур, иң дәртле, иң моңлы җырларны сез безнең "ШАЯН ТВ" каналы аша ишетә аласыз!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2484
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2319
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1966
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019