РӨСТӘМ МИҢНЕХАНОВ КАРАРЫ БУЕНЧА, ТАТАРСТАНДА 12 МАЙ – МАТӘМ КӨНЕ

12 май Татарстанда матәм көне дип игълан ителде. Шулай ук, иртәгә чәршәмбе көнне Казан мәктәпләрендә дәресләр булмаячак. Бу турыда ТР Президенты матбугат хезмәте җитәкчесе Лилия Галимова хәбәр итә.

11 май көнне Казанның 175нче мәктәбендәге атыш вакытында сигез кеше (аларның җидесе – бала, берсе – укытучы) һәлак булды.

Әлеге мәктәптән хастаханәләргә 21 кешене озатканнар, аларның унсигезе – балалар, барысы да Республика балалар клиник хастаханәсенә китерелгән, зыян күргән алты бала бик авыр хәлдә реанимациядә ята.

Атышны оештырган террорчы кулга алынган. Ул 19 яшьтә, аның рәсми рәвештә теркәлгән коралы булган. Тикшерү эшләре бара.

Лилия Галимова сүзләренчә, якын арада Татарстанның Террорчылыкка каршы комиссиясе утырышы булачак.

Якыннары һәлак булганнарның тирән кайгысын уртаклашабыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    723
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    625
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    473
    0
    0

Блоглар