Булачак Чайковскийлар өчен музыкаль бәйге уза

Син фортепиано, скрипка, вилончельдә уйныйсың яки җырлыйсың? Димәк, сиңа яшь музыкантлар өчен үткәрелгән П.И. Чайковский исемендәге XVI Халыкара конкурсның республика этабында катнашырга кирәк.

Әлеге бәйге балалар музыка мәктәпләре укучылары арасында үткәрелә. Төп максат – рус композиторының мирасын популярлаштыру һәм сәләтле яшьләрне барлау.

Конкурс читтән торып уздырыла. Анда фортепиано, скрипка, вилончель, соло, тынлы уен кораллары номинацияләре буенча уза. Укучылар үзләренең уен коралларында уйнаган яки җырлаган вакытта төшкән видеоязмаларын 11нче мартка кадәр ceninnovat@yandex.ru адресына җибәрә ала.

Әлеге видеоязмаларга П.И. Чайковский исемендәге 1нче номерлы Балалар музыка мәктәбендә 27 март көнне бәя бирәчәкләр. Жюри әгъзалары арасында Н. Г. Җиһанов һәм Ә.В. Әүһәдиев исемендәге Казан музыка көллияте укытучылары бар.

Бәйгенең лауреатларына җиңүче грамотасы тапшырыла. Төп бүләк – 25-27 июньдә Мәскәү яки Санкт-Петербург шәһәрендә узачак финал этабындагы тыңлауларда катнашу.

Элемтә өчен телефон: 293-02-91 (Марина Людвиговна Гейст).


Алинә МИННЕВӘЛИЕВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    566
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    225
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    213
    0
    0

Блоглар