ОКТЯБРЬ 2019

15 октябрь 2019

«Октябрьдә, октябрьдә

Яңгырлар бик еш ява,

Бар үләннәр дә саргая,

Чикерткә тынып кала.»

Әлеге шигырьнең авторы Мөнир Мазунов октябрь аен шулай тасвирлаган. Чынлап та, тәрәз артына кайчан карама, яңгыр да яңгыр... Әмма моңсуланып утырырга сәбәп юк! «Ялкын»ның яңа саны дөнья күрде бит! Әйдәгез, аңа бергәләп күзәтү ясый.

Тышлыктагы җитди егетне күпләрегез танып та алгандыр, шулай бит? Айдар Шәйхин бит бу! «Фән» рубрикасын алып баручыбыз. Яңа санда Айгөл Абдрахманова аның нинди укытучы булуын ачыклаган. Журналның 4-5 битләрендәге интервьюны кайнар килеш укып чык әле!

Эльза һәм Искәндәр Нәбиуллиннарның «Урман клубы» проекты турында ишеткән идегезме әле? Хәбәрчебез Әлфинур Әхмәтшина әлеге проект хуҗалары белән аралашкан. Ноябрь санында түкми-чәчми бар белгәнен ул безгә дә сөйли.

Шоу-биз сәхифәсендә беләсезме кем кунак булган? Эльмира Кәлимуллина! Аның белән интервьюны журналыбызның 12-12 битләреннән табып укырсың, ярыймы?

Талия Төхфәтуллина 15 биттә безгә чемпионлык серләрен ача. Аның әңгәмәдәше спортта зур уңышларга ирешкән Алмаз Закиров белән син дә таныш!

Кызларның ник бизәнгәнен беләсең килсә, 36-37 битләргә күз сал. Айназ Сөләйманова бу темага ачыклык керткән.

«Сәләт»ле җәеңне сагындыңмы? Алайса, тизрәк Резидә Әлмиева язмасын укып чык. Ул безгә «Сәләт Гайрәт» аланы турында бәян итә.

44-45 битләрдә язучы, журналист Вакыйф Нуриевның мәхәббәт тарихы урын алды. Сакаллы мәхәббәт тарихын беләсегез килсә, тизрәк укып чыгыгыз!

Кыскасы, кызыклы язмалар бихисап күп. Яңгырлы көннәрне ямьләп җибәрергә теләсәң, октябрь саны сиңа, һичшиксез, булышачак!

Чаткы Ялкынлы

Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2509
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1984
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    644
    0
    1

Блоглар