ГЫЙНВАР 2019

29 гыйнвар 2019
2019нчы елның салкын җилләрен, гыйнвар узып барганлыкны сизәсезме? Ә без менә сизәбез. Чөнки 2019 безнең өчен аеруча мөһим һәм кадерле ел. Шуңа күрә һәр көнен, сәгатен, минутын тоеп, татып калырга тырышабыз. Безгә быел 95 яшь! Бик зур сан булса да, хезмәткәрләребез дә, күңелебез дә яшь, журнал битләрендә урын алган язмаларыбыз да гел яшьләр өчен. Туган көнебез хөрмәтенә Сезнең өчен бүләкләр, кызыклы конкурс һәм стипендияләр дә әзерләп куйдык. Бер елга җитәрлек бүләк һәм яхшы кәеф бүләк итәчәкбез. Ә ниндиерәк бәйгеләр булуын журналның алгы битен укып белә алырсың. Игътибар иткән булсагыз, журналыбыз битләрендә сездән килгән язмалар гел арта гына бара, штаттан тыш авторларыбыз да яңарып тора. Бу санда, мәсәлән, сезне Айназ Сөләйманованың «Әни, бу – чит ил!», Динә Нәҗметдинованың «Чемпионның хәтта төшләре дә үзгәрә» мәкаләләре, Әгерҗе егете Илфас Хәмидуллинның баллы мамык аппараты ясау тәҗрибәсе турындагы язмасы урын алды. Айзилә Абдрахманова исә бөтенебез күреп ишетеп белгән брендларның барлыкка килү тарихлары турында сөйли. Ксероксның «әтисе» һәм аңа исем кушу процессы турында белмисеңдер әле бәлки. Алайса 15нче битне ачып укырга тәкъдим итәм. Ай саен кабатлана, әй, түгел лә, ай саен яңарып тора торган рубрикаларыбыз да үз урынында. Бәйрәм хөрмәтенә алар да «яңа күлмәк» киделәр, тагын да матурландылар. «Замана һөнәрләре» рубрикасы, мәсәлән, «WorldSkills-2019» рубрикасы кысаларында чыгып барачак. 16-17 битләрне ачып кара әле. Яңалыклар ошармы икән? Фикереңне әйтерсең бит? «Медлайфхак» рубрикасында бу санда тешләрне агарту ысуллары турында сөйләрбез. «Йолдызлы киңәш», «Шоу-биз» рубрикаларында да үзгәрешләр булмады түгел. Бу санда, мәсәлән, балалары татарча сөйләшми торган йолдызларны сүктек әле бераз. Әйе, әйе, без усал да була беләбез. Ә «Шоу-биз» рубрикасында «Ялкын» редакциясендә төшерелгән клип турында сөйләдек. Йолдыз дигәч тә гел җырчы абый-апалар гына күз алдына килә никтер. Чынлыкта 12 яшьлек (синең яшьтәшең, энең-сеңлек кебек) йолдызлар да бар икән. 8-9 битләрдә шундыйларның берсе булган Данил Зиннәтуллин белән танышу көтә сине. Яңа ел яңа авторлар белән кадерле безнең өчен. Гыйнвар санынына һәм «Ялкын»ның юбилей елына «Тамырлардан кан урынына көй ага» язмасы белән килеп керде Миләүшә апа Гафурова. Шәп килеп чыкты. Эффектлы чыгыш. 42-43нче битләр. Ачып карагыз әле. Ошармы икән? 2019да якын дустыбыз «Сәләт» тә үзенең туган көнен бәйрәм итә. Безгә – 95, аңа – 25. Арабызда 70 ел булуга карамастан, дуслыгыбыз көчле. Гел бер-беребезгә терәк булып, ярдәмләшеп торабыз. 12-13нче битләрне укып кара. Ни турында сүз барганын аңларсың. 2019 ел нинди булыр дип уйланганыгыз бардыр инде? Без менә бераз фал ачып алырга да булдык әле. Әмма безнең фал уйдырма түгел, фактларга нигезләнгән. Кыскасы, 24-25нче битләрдә безнең фаразлар белән таныша аласың. «Кызыклы фән» рубрикасын, игътибар иткән булсаң, хәзер Айдар абый Шәйхин түгел, Таңсылу апа Алтай алып бара башлады. Төркиядән тырып безгә язучылар да бар хәзер! Шәп бит?! Чит ил дигәннән, безнең хәзер Польшада да үз корреспондентыбыз бар. Чын әгәр! Күптәнге авторыбыз Миләүшә апа Нигъмәтуллина хәзер Лодзь шәһәрендә яши һәм махсус безнең өчен репортажлар әзерли. Айдар абый Шәйхин югалдымы әллә дип аптырамагыз. Айдар абый берничә ай Актанышта укытучы булып эшләп кайтты. Шул хакта безгә дә язма әзерләде. 34-35нче битләр. Кызыклы тәҗрибә. Ачып кара әле. Сиңа ошарга тиеш. Туган көн булгач, бу хакта да язмый булдыра алмадык. Әмма үзебез турында түгел, «Ялкын»лы шәхесләребез хакында язарга булдык. Кемнәр соң ул «Ялкын»лы шәхесләр» дигән сорау туса, һичшиксез, 46-47нче битләрне битләрне ачып карарга кирәк булыр сиңа. Әлбәттә, журналыбыз битләрендәге язмалар моның белән генә чикләнми. «Спорт», «Оялчан алма», «Оялчан алма+», «Дин», «Ел йомгагы», «Татар теле», «Ватандашлар», «Дөнья әдәбияты» рубрикалары да Сезгә ошар дип ышанып калам. Журналны укып чыккач, безгә дә хәбәр бирергә онытмассызчы. Безгә Сезнең фикерне белү бик мөһим. ❤? Ярый, журнал битләрендә очрашырбыз.✨? Әлегә пока, пока! ?✋? Яратып, Чаткы Ялкынлы ?
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4767
    2
    93
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2816
    1
    78
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2413
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1846
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1550
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    102
    0
    0